اردو میں اردو شاعری

بات تو جب ہے کہ جذبوں سے صداقت پھوٹے
یوں تو دعوی ہے ہر ایک شخص کو سچائی کا

 

مجھے بہتر ہے کچی قبر اپنی
کسی گنبد سے جو خیرات کا ہے

 

کچھ تو ہوا بھی سرد تھی کچھ تھا تیرا خیال بھی
دل کو خوشی کے ساتھ ساتھ ہوتا رہا ملال بھی

 

یہ سوچتے ہو کیوں کہ خدا بس تمہیں ملا
دیکھو جہاں زمیں ہے وہاں آسمان ہے

 

کسی جامِ جم کی حاجت نہیں اے فراغؔ مجھ کو
مرے واسطے بہت ہے مرا آئینہ مدینہ

 

یہ غم نہیں ہے کہ ہم دونوں ایک ہو نہ سکے
یہ رنج ہے کہ کوئی درمیان میں بھی نہ تھا

 

جس طرح لوگ خسارے میں بہت سوچتے ہیں
آج کل ہم تیرے بارے میں بہت سوچتے ہیں

 

ایک کعبہ کے صنم توڑے تو کیا
نسل و ملت کے صنم خانے بہت

 

دل کا دیار خواب میں دور تلک گزر رہا
پاؤں نہیں تھے درمیاں آج بڑا سفر رہا

 

سچ ہے ہوگا دنیا میں کوئی ہم سا کم تنہا
ہم نفس نفس تنہا ہم قدم قدم تنہا ۔۔۔۔۔

 

سانس رکتی ہے چھلکتے ہوئے پیمانے میں
کوئی لیتا تھا تیرا نام وفا آخر شب

 

ہم میں رہتا ہے کوئی شخص ہمارے جیسا
آئینہ دیکھیں تو لگتا ہے تمہارے جیسا

 

میں تو مقتل میں بھی قسمت کا سکندر نکلا
قرعہ فال میرے نام کا اکثر نکلا

 

برساؤ تیر مجھ پہ مگر اتنا جان لو
پہلو میں دل ہے دل میں تمہارا خیال ہے

 

ہمیں بھی آج ہی کرنا تھا انتظار اس کا
اسے بھی آج ہی سب وعدے بھول جانے تھے

 

وہ چراغ زیست بن کر راہ میں جلتا رہا
ہاتھ میں وہ ہاتھ لے کر عمر بھر چلتا رہا

 

گلا بھی تجھ سے بہت ہے مگر محبت بھی
وہ بات اپنی جگہ ہے یہ بات اپنی جگہ

 

وہ دل نواز ہے لیکن نظر شناس نہیں
میرا علاج میرے چارہ گر کے پاس نہیں

 

عشق میں ہم نے یہ کمائی کی
دل دیا غم سے آشنائی کی

 

بلایا موت کو برسوں میں التجا کر کے
خدا کے پاس چلا ہوں خدا خدا کر کے

 

کبھی ناکام بھی ہو جاتے ہیں وہ لوگ کہ جو
واپسی کا کوئی رستہ نہیں رہنے دیتے

 

نہ حریف جاں نہ شریک غم شب انتظار کوئی تو ہو
کسے بزم شوق میں لائیں ہم دل بے قرار کوئی تو ہو

 

کون کہتا ہے کہ موت آئی تو مر جاؤں گا
میں تو دریا ہوں سمندر میں اتر جاؤں گا

 

رشتہ بحال کاش پھر اس کی گلی سے ہو
جی چاہتا ہے عشق پھر اسی سے ہو

 

کچھ اس طرح سے تیرا غم دیئے جلاتا تھا
کہ خاک دل کا ہر ایک ذرہ جگمگاتا تھا

 

یہ داغ داغ اُجالا یہ شب گزیدہ سحر
وہ انتظار تھا جس کا یہ وہ سحر تو نہیں

 

وہ کہ خوشبو کی طرح پھیلا تھا میرے چار سو
میں اسے محسوس کر سکتا تھا چھو سکتا نہ تھا

 

بڑی چال سیدھی ہے روٹھے دنوں کی
پلٹ کرکبھی پھر وہ مڑتے نہیں ہیں
محبت کی ڈوری وفاؤں کے دھاگے
اگر ٹوٹ جائیں تو جڑتے نہیں ہیں

 

نفرت بھی اسی سے ہے پرستش بھی اسی کی
اس دل سا کوئی ہم نے تو کافر نہیں دیکھا

 

ہندوستان سے جو اس طرح منہ موڑ آئے ہیں
الگ ہو کر مسلماں تو بہت کچھ چھوڑ آئے ہیں
ہندوتوا کی حالت دیکھ کر کچھ ایسا لگتا ہے
بہت اچھا کیا ہندو سے رشتہ توڑ آئے ہیں