اردو میں اردو شاعری

وہ بےوفا ہے تو کیا مت کہو برا اس کو
کہ جو ہوا سو ہوا خوش رکھے خدا اس کو

 

زندگی تو نے مجھے قبر سے کم دی ہے زمیں
پاؤں پھیلاؤں تو دیوار میں سر لگتا ہے
بشیر بدر

 

یہ عشق اگر تیرے لیے مذاق ہے
تو ہم سے یہ مذاق کیوں نہیں کیا

 

جسے شکوہ تھا کہ چپ رہتا ہوں
میری باتوں سے وہ بیزار بھی ہے

 

اس نا خدا کے ظلم و ستم ہائے کیا کروں
کشتی میری ڈبوئی ہے ساحل کے آس پاس

 

ذرا سی بات پہ دامن چھڑا لیا ہم سے
تمام عمر کی وابستگی کو بھول گئے

 

شکایتیں بھی تھیں اسے تو صرف میرے خلوص سے
عجب تھا وہ شخص , میری عادتیں نہ سمجھ سکا

 

قربتیں ہوتے ہوئے بھی فاصلوں میں قید ہیں
کتنی آزادی سے ہم اپنی حدوں میں قید ہیں

 

برائے نام بھی جس کو وفا نہیں آتی
وہ سب کو اپنی وفا کی مثال دیتا ہے

 

تمہاری یاد کے جب زخم بھرنے لگتے ہیں
کسی بہانے تمہیں یاد کرنے لگتے ہیں

 

ہماری بے بسی دیکھو انہیں ہمدرد کہتے ہیں
جو اردو بولنے والوں کو دہشت گرد کہتے ہیں

 

نہ ڈگمگائے کبھی ہم وفا کے رستے میں
چراغ ہم نے جلائے ہوا کے رستے میں

 

کٹی پتنگ کا رخ تھا میرے گھر کی جانب
اسے بھی لوٹ لیا اونچے مکان والوں نے

 

میں بھی ٹھہروں کسی کے ہونٹوں پر
میری خاطر دعا کرے کوئی

 

اب تک دل خوش فہم کو تجھ سے ہیں امیدیں
یہ آخری شمعیں بھی بجھانے کے لیے آ

 

اب تک دل خوش فہم کو تجھ سے ہیں امیدیں
یہ آخری شمعیں بھی بجھانے کے لیے آ

 

لوگ کہتے ہیں کہ تو اب بھی خفا ہے مجھ سے
تیری آنکھوں نے تو کچھ اور کہا ہے مجھ سے

 

یہ باتیں عجیب سناتے ہو وہ جینے سے بےآس ہوئے
ایک نام سنا اور غش کھایا ایک ذکر پہ آپ اداس ہوئے

 

میری حیات ہے بس رات کے اندھیرے تک
مجھے ہوا سے بچائے رکھو سویرے تک

 

دل پر لگی وہ چوٹ کے اف کر کے رہ گئے
ٹوٹا جو گر کے جام کوئی بزم یار میں

 

ابھر رہے ہیں کئی ہاتھ شب کے پردے سے
کوئی ستارہ لیے کوئی ماہتاب لیے

 

انہیں کے گیت زمانے میں گائے جائیں گے
جو چوٹ کھائیں گے اور مسکرائے جائیں گے

 

مجھ کو جب حالات نے ٹھوکر ماری تھی
یار یہاں تک بھول گئے تھے یاری تھی

 

وہ عکس بن کے میری چشم تر میں رہتا ہے
عجیب شخص ہے پانی کے گھر میں رہتا ہے

 

سامنے آئیں گے اپنی ہی وفا کے پہلو
جب کسی اور کو برباد کرے گی دنیا

 

ہر ایک عذاب کو میں سہ گیا مگر نہ ملا
وہ ایک غم جو میرے حوصلے سے بڑھ کر تھا

 

بدن نے چھوڑ دیا روح نے رہا نہ کیا
میں قید ہی میں رہا قید سے نکل کے بھی

 

اچھا خاصا بیٹھے بیٹھے گم ہو جاتا ہوں
اب میں اکثر میں نہیں رہتا تم ہو جاتا ہوں

 

وعدہ کیا تھا پھر بھی نہ آئے مزار پر
ہم نے تو جان دی تھی اسی اعتبار پر

 

نئے سفر میں ابھی ایک نقص باقی ہے
جو شخص ساتھ نہیں اسکا عکس باقی ہے