کیا یہ سچ ہے

برادر!
عشق کے بارے میں آپ سے پہلے بھی ایک دوبار شاید گفتگو ہوئی تھی۔ فی الوقت ہمارے پاس لے دے کے انٹرنیٹ ہی بچتا ہے تحقیق کے لیے اور کوشش ہوتی ہے کہ مستند حوالہ جات میسر آ سکیں۔ تو لفظ عشق کی کچھ تحقیق کرنے کی کوشش کی۔ کئی آن لائن اردو ، عربی، انگریزی لغات میں تلاش کرنے کے باوجود مجھے آپ کے بیان کئے گئے معانی نہ ملےسوائے ایک دو لنک پر کچھ بیل وغیرہ کا بھی ذکر تھا۔ آپ کے پاس کوئی مستند حوالہ ہو تو عنایت کیجیے۔ باقی سب میں بے انتہا محبت، چاہت، انسیت، میلان سے ملتے جلتے معانی ہی بیان کیے گئے۔ یہ بھی ممکن ہے جیسا کہ بقول آپ کے یہ قدیم عربی زبان کا لفظ ہے تو یہ بھی کہا جاتا ہے کہ عربی زبان میں ایک لفظ کے کئی معانی استعمال کے لحاظ سے بھی مختلف ہوتے ہیں اور ایک ہی چیز کے لیے بہت سے الفاظ بھی میسر ہوتے ہیں۔ اسی لیے عربی کو وسیع ترین زبانوں میں شامل کیا جاتا ہے۔ ممکن ہے یہ معانی متروک ہو چکے ہوں جو آپ نے بیان کیے۔

https://en.bab.la/dictionary/arabic-english/عشق

https://www.freearabicdictionary.com/dictionary/search

https://ar.wiktionary.org/wiki/عشق

https://en.wiktionary.org/wiki/عشق

https://ur.wiktionary.org/wiki/عشق

اس کے علاوہ بھی بہت سے روابط ہیں آپ خود بھی گوگل کر سکتے ہیں۔
قرآن اور حدیث کے حوالے سے بھی کوشش کی ۔ ایک بات تو یہ ہے کہ قرآن و حدیث میں اور بہت سے الفاظ بھی نہیں آئے۔ دوسرا عشق کو خارج کرنا ہے تو ایسے تمام الفاظ کو کیسے رعایت دی جا سکتی ہے جن کا مادہ عشق سے نکلا ہے۔ شوق کا لفظ عام مستعمل ہے مشتاق بھی اکثر لوگوں کا نام ہے اور نثر میں بھی بکثرت استعمال ہے۔ تلاش کے دوران ایک حدیث سامنے آئی جسے کئی راویوں نے روایت کیا ہے جس میں عشق کے الفاظ اچھے معانی میں موجود ہیں۔ اب اس حدیث کی صحت پر بحث بھی کی گئی ہے۔
https://www.islamimehfil.com/profile/18349-rana-asad-farhan/content/?type=forums_topic_post&page=2
اس لنک پر آپ دیکھ سکتے ہیں۔ تحریر میں کچھ فرقہ وارانہ سخت باتیں بھی لکھی گئی ہیں ان سے صرفِ نظر کرتے ہوئے آپ صرف متعلقہ تحقیق پڑھ لیجیے گا۔

مزید یہ کہ عشق کو اگر ہوس وغیرہ کے مترادف اس دور میں لیاجاتا ہے تو بعینہ یہی سب محبت کے ساتھ بھی ہوتا ہے۔ بات "آئی لو یو" یا "میں تم سے محبت کرتا (کرتی) ہوں " سے شروع ہو کر غیرت کے جنازے نکلنے پر پہنچتی ہے اور اکثر اس سے بھی کہیں آگے جاکر ختم ہوتی ہے۔ تو کیا محبت کے جذبے کو بھی اب اسی معانی میں لیا جائے؟
ایک دلیل یہ بھی دی جاتی ہے کہ ہم اپنی ماں بہن بیٹی سے یہ نہیں کہہ سکتے ہم ان سےعشق کرتے ہیں لیکن یہ کہہ سکتے ہیں کہ محبت کرتے ہیں چنانچہ پتا لگا کہ کچھ فرق تو بہر حال ہے ہم معنی نہیں ہیں۔ میرا مطالعہ یہ کہتا ہے کہ عشق محبت کا وہ مقام ہے جہاں اپنی ذات کی نفی ہو جاتی ہے اور دنیاوی رشتے چاہیں جتنے بھی قریبی ہوں جب کچھ ایسا مقام آ جائے تو بظاہر یہ بات کہنا مشکل ہے لیکن اپنی ذات کو انسان ان رشتوں پر ترجیح دے دیتا ہے۔ دوسرا عشق میں اپنے مطلوب کے آگے سرنڈر کرنا بھی لازم ہے۔ جو کہ ان رشتوںمیں نہیں ہو سکتا۔ ہاں البتہ ذاتی طور پر میں سمجھتا ہوں کہ ماں کا اپنی اولاد کے ساتھ رشتہ عشق محبت سے بھی کہیں آگے کی یا کچھ اور چیز ہے۔ مامتا کو میں ایک ربانی صفت مانتا ہوں۔ ایک خالق کی اپنی تخلیق کے ساتھ محبت۔ شاید اسی لیے ماں کا رتبہ اتنا بلند کیا گیا کہ ماں کو رب نے اپنی ایک صفت خاص صفت سے نوازا ۔ اس لیے اس تعلق کو میں اس بحث سے خارج سمجھتا ہوں۔ ایک اور بات کہ میں جب دیکھتا ہوں کہ بہت سے جید علماء نے یہ لفظ کثرت سے استعمال کیا تو میں ان کی اتباع میں عیب نہیں سمجھتا یقینا انہوں نے ہم سے زیادہ تحقیق اور احتیاط برتی ہو گی۔ شعراء و ادباء کے بارے میں تو رعایت دی جا سکتی ہے کہ وہ اس لفظ کو غلو کے درجہ تک لے گئے لیکن علماء یقینا ایسا نہیں کرتے۔ چند ایک ہوتے تو بھی کچھ کہا جا سکتا تھا یہاں تو ایک لمبی فہرست ایسے علماء کی ہے جن کی علمیت پر انگلی نہیں اٹھائی جا سکتی۔
معذرت خواہ ہوں کہ پیشہ ورانہ مصروفیت میں بھی ذہن الجھا ہوا ہے بار بار ارتکاز منتشر ہوتا ہے اس لیے شاید باتیں کچھ ٹھیک سے ترتیب نہیں دے سکا لیکن امید ہے اپنا مطمع نظر کسی حد تک واضح کر دیا ہے۔
حاصل بحث یہ کہ میرے نزدیک نفسانی ہوس شامل ہو تو عشق اسفل ہوس نہ ہو تو محبت بھی افضل
جو باتیں اپنے نکتہ نظر سے بیان کی ہیں ان پر آپ اختلاف رائے کا حق رکھتے ہیں
میں گنہگار اگر عشق مجازی ہے گناہ
یہ خطاوار اگر اس کو خطا کہتے ہیں
داغ
شاد آباد رہیں
آصف احمد بھٹی
سید شہزاد ناصر

 

آپ کو قدیم عربی شاعری میں لفظ " عشق " اگر کہیں ملے گا تو شہوانی جذبے کی شدت اور اس کے اظہار کے لیے ہی ملے گا ، بعد کے زمانوں میں جب اہل فارس کے فلاسفہ کا اثر عربی ادب اور لغت پر ہوا تو بہت سے الفاظ کا استعمال اور معانی کافی حد تک بدل گئے ۔ ۔ ۔ خیر میں سید شہزاد ناصر صاحب اور ملک بلال کی اس بات سے تو اتفاق کرتا ہوں کہ لفظ " عشق " کا استعمال بڑے بڑے استاد شعراء اور جید علماء نے کیا ہے ، اور ہر ایک نے اس سے مراد محبت کی انتہا ، محبت کے معراج لیا ہے ، حتی کہ تمام عربی اردو اور فارسی کی لغات میں بھی اس معنی یہی ملتے ہیں ، مگر آپ کو قرآن شریف و حدیث بنوی میں یہ لفظ کہیں نہیں ملتا ، یقینا آپ کی یہ بات بھی درست ہے کہ بہت سے دوسرے الفاظ بھی ہمین نہیں ملتے مگر " عشق " کوئی عام لفظ نہیں (جیسا کہ فی زمانہ اس معنی لیا جاتا ہے) سو میرا استدلال ہے کہ اگر یہ لفظ اس زمانے میں جیسا کہ میں اس کے معنی لیتا ہوں ان معنی میں استعمال نہ ہوا ہوتا تو یقینا اللہ اور رسول اللہ کی محبت کے زمن میں قران میں ضرور آتا ، احادیث میں مل جاتا ، بعد کے قریبی زمانے میں کہیں کوئی مثال مل جاتی مگر ایسا نہیں ہے ۔ ۔ ۔ میں اس کے موجودہ معانی کے استعمال میں کوئی قباحت نہیں محسوس کرتا ، صرف اس لفظ کو پسند نہیں کرتا، اس کے بجائے " محبت " کو پسند کرتا ہوں ۔ ۔ ۔

 

یہ حدیث میرے موقف پر دلیل ہے ۔ ۔ ۔
من عشق فکتم وعف فمات فھو شہید ( جس کو کسی سے عشق ہوا اور اس نے چھپایا اور پاک دامن رہتے ہوئے مر گیا وہ شہید ہے)
یہاں اپنے عشق کو چھپانے سے کیا مراد ہے ، اور وہ کونسا عشق ہے جسے چھپانے پر شہادت کا رتبہ دیا ملتا ہے ۔ ۔ ۔ یقینا وہ وہی عشق ہے کہ جسے میں جذبہ حیوانی کہتا ہوں ، اور جس کو مٹانا اور چھپانا مومن کا مقصود ہے ۔ ۔ ۔
من عشق (جسے عشق ہوا) فکتم (اس نے اسے چھپا لیا ) وعف (اور پاکدامن رہا) فمات (اور اسی حالت میں مر گیا) فھو شہید ( تو وہ شہید ہے )

 

عشق کے عوامل پر تو بحث ہی نہیں ، میرا مدعا صرف یہ ہے کہ میں عشق کو پسند نہیں کرتا ، یقینا مجھے اپنے الفاظ کے چناؤ میں احتیاط کرنی چاہیے تھی ، مجھے یہ نہین کہنا چاہیے تھا کہ میں عشق کو نفرت کی حد تک نا پسند کرتا ہوں ، مگر حقیقت یہی ہے کہ میں اس لفظ کو وہ معنی نہیں دیتا جس مین یہ پچھلی چند صدیوں سے رائج ہے ۔ ۔ ۔
لفظ حیوان سنتے ہی ہمارا ذہن چوپائیوں یا جانوروں کی طرف منتقل ہو جاتا ہے ۔ ۔ ۔ شیخ سعدیؒ نے فرمایا تھا ۔ ۔ ۔
آدمی زادہ طرفہ معجون است
از فرشتہ سرشتہ وز حیوان
سو حیوان سے فورا مراد جانور نہیں لے لینا چاہیے انسان مرکب ہے حیوانی جذبات اور مالاکوتی کمالات کا ۔ ۔ ۔ محبوبیت اور چیز ہے ، اور اسی لیے میں اسے عشق سے الگ کرتا ہوں ، محبوبیت کی معراج آقا صلاۃ السلام کی ذات مقدس ہے ، اللہ کے بھی محبوب اور اس کے بندوں کے بھی محبوب ، جبکہ عشق اور شے ہے ، فی زمانہ یقینا اس کے معنی کچھ اور ہیں مگر آپ اس حدیث پر ہی غور کر لیں ، آپ سمجھ جائینگے کہ عشق کیا ہے ؟ اس میں شہید کا درجہ پانے کے لیے اسے چھپانے اورپاکیزگی کو شرط اول رکھا گیا ہے ، چہ معنی دادرد ؟
جب آدمی دیوانہ ہو جائے ( یاد رہے مجذوبیت اور شے ہے اور دیوانگی اور شے ) تو وہ اپنے مالکوتی کمالات کھو دیتا ہے اب وہ محض حیوانی جذبات کے طابع ہے ۔ ۔ ۔

 

اس ضمن میں اس لڑی کا بھی مفید ہو گا

http://www.oururdu.com/forums/index.php?threads/ª-ª-اقبال-اور-فلسفہ-عشق-ª-ª.3314/

 

اگر کبھی میں عشق کو محبت کے مترادف سمجھنے بھی لگا تو میری تشریح کچھ یوں ہوگی " عشق محبت کی تمام حدود سے باہر نکل جانے کا نام ہے "

 

عشق کے موضوع پر بات کرنے سے پہلے رومی اور اقبال کا مطالعہ کریں تو یہ بات آشکارا ہوتی ہے کہ ان دونوں مشاہیر نے عشق کے مفہوم کو نئی جہتوں سے آشنا کیا جب بات ہو اقبال کے کلام یا ان کے مرشد مولانا جلال الدین رومی رح کی تو کلام کو بھی خود پر ناز ہونے لگتا ہے، جذب و جنوں، شوق آرزو، سوزو سازسے نکلا مستی اور سر مستی کا تال میل جس قدر عشق کے سروں میں ڈھال کر ایک نغمہء جاں فزا بنا دیا گیا اسی کے مضراب نے مزید کتنے ہی دلوں کو ایک نئی جستجو سے ہم آھنگ کر دیا۔۔
عشق کی گرمی سے ہے معرکہء کائنات
علم مقام صفات، عشق تماشائے ذات
اقبال نے فلسفہ تک چھان مارا اور عقل و دانش کی گتھیاں بھی سلجھائیں_ مگر اقبال کا اقبال بلند ہوا جب مکتب کی کرامت کے بعد کسی کے فیض نظر نے منتخب کر لیا_ کیا ہے یہ عشق؟ کہ ایک مرد دانا کو جنوں سے آشنا کر دیا گیا۔ ہندوستان سے اٹھا کر قونیہ کے امام عشق سے ملا دیا شہر عشق کا راستہ سجھا دیا_ وہ شہر عشق جہاں دیوانگان عشق کا قبیلہ، سبز گنبد میں مقیم سردار عشق، محبوب خدا صلی اللہ علیہ والہ وسلم کو درود وسلام و صلوة عشق پیش کرتا ہے_

عشق کرنا کسی سطحی ذہنیت کا کام نہیں، یہ کام بڑے اعلیٰ درجے کی زیرک اور باہمت شخصیات کا وطیرہ رہا ہے جو ظاہری و باطنی نگاہوں سے دنیا و مافیہا کی ماہیت و حیثیت کو خوب جان چکے ہوتے ہیں، عبدیت کا شعور ان کی گھٹی میں پڑا ہوتا ہے، فنا اور بقا کے سارے زاویے ان کے وجدان میں رقص کناں رہتے ہیں، جس کسی نے بھی معرفت پا لی وہ عشق کے مدار میں داخل ہو گیا اور اپنی آگہی کے پیچھے صدقِ دل سے کھڑا بھی رہا، گویا جہاں اقرار بااللسان و تصدیق بالقلب و عملاً متقبلاً ہے دراصل وہیں پر عشق ہے اور جہاں عشق ہے وہاں کربلا ہے، جہاں گلزار معرفت کھلتا ہے، صحرائے بدر و حنین بھی وہیں رونما ہوتا ہے، جہاں عشق ہے وہیں دارورسن سجتا ہے، جہاں معرفت پیدا ہوتی ہے وہیں سوز و گداز بھی در آتا ہے۔

شیخ فریدالدین عطار کہتے ہیں:

بجز غم خوردنِ عشقَت، غمے دیگر نمی دانم
کہ شادی در ہمہ عالم ازیں خوشتر نمی دانم

تیرے عشق کے غم کے سوا مجھے کوئی اور غم نہیں ہے اور میں سارے جہان میں اس سے بہتر خوشی کی کوئی اور بات نہیں جانتا کہ مجھے فقط تیرا غم ہے۔

 

“دنیامیں دو طرح کے شاعر ہوتے ہیں۔ پہلی قسم کے شعرا وہ ہوتے ہیں جوشاعری کے اسرار ورموز سیکھتے ہیں پھر موضوعات کی تلاش میں بھٹکتے ہیں اور بالآخر لفظوں کی تراش خراش کرکے انھیں اوزان و بحور کے تانے بانے بن کے قرطاس کی زینت بناتے ہیں اور دوسری طرح کے شاعر وہ ہوتے ہیں جنھیں ایسے کسی تردد کی ضرورت پیش نہیں آتی ۔
لفظ ان کے ذہن کی سطح پر اس طرح اُترتے ہیں جیسے بارش کا پانی روانی سے آگرتا ہے ۔ ایسے شاعروں کا نام صدیوں تک زمانہ یاد رکھتا ہے ۔ بلاشبہ فارسی زبان میں جلال الدین رومی کا شمار بھی ایسے ہی شعرا میں ہوتا ہے ۔جن کا کلام سالوں کی گرد اُڑنے کے بعد بھی دھندلا نہیں ہوا بلکہ جن کے اشعار کو پڑھ کے دلوں کے آئینے شفاف تر ہوجاتے ہیں اور روحوں کی کثافتیں دور ہو جاتی ہیں ۔ مولانا رومی کا کلام شاعری کے محاسن سے پُرہے ۔ اُن کے کلام میں تغزل بھی ہے ، موسیقیت بھی، غنائیت بھی ہے اور سادگی بھی، سوزو گداز بھی ہے ، عشق کی وارفتگی بھی، داخلیت بھی ہے اور خارجیت بھی، وحدت کا اظہاربھی ہے اور عشقِ نبوی صﷺ کا پرچار بھی، لفظوں کی پُرکاری بھی ہے، لفظی صناعی بھی، پیکر تراشی کا فن بھی ہے اور حیات و کائنات کے مسائل کا بیان بھی، واقعت نگاری ہو یا قصہ گوئی ، وعظ و نصیحت ہو یا درسِ اخوت و مساوات ، ہر فن میں طاق ہیں ۔اُن کے اشعار معنویت کا گہرا دریا ہیں اور تصوف کی نئی جہتوں کے عکاس ہیں۔
اُنھوں نے تصوف کی لگی بندھی راہوں پر چلنے کی بجائے نئے خیالات کو رواج دیا۔زبان کی شستگی اور بیان کی سادگی نے انھیں اپنے دور کے شعرا میں بھی ممتاز رکھااور بعد میں آنے والے شعراء کو بھی متاثر کیا۔”

صحبتِ صالح تُرا صالح کُند
صحبتِ طالح تُرا طالح کند
دور شُو از احتلاطِ یارِ بد
یارِ بد بتر بُوَد از مارِ بد
مار بد تنہا ھ،یں برجان زند
یارِ بد برجان و بر ایمان زند

 

یہ جمود زندگی اور لگے بندھے اصولوں کی پیروی فکر کی موت ہے معنی اور مفاہیم کے نئے جہاں تلاش کرنے میں ہی بقا کا راز پوشیدہ ہے زندگی مسلسل ارتقاء کی جانب گامزن ہے سوچ اور فکر کی گہرائی ہی معنی اور مفاہیم کی نئی جہتوں سے روشناس کرتی ہے بقول علامہ اقبال

ہے اسیری اعتبار افزاء جو ہو فطرت بلند
قطرہ نیساں ہے زنداں صدف سے ارجمند
مشک ازفر کیا چیز ہے اک لہو کی بوند ہے
مشک بن جاتی ہے ہو کر نافہ آہو میں بند
ہر کسی کی تربیت کرتی نہیں قدرت مگر
کم ہیں وہ طائر کہ ہیں دام قفنس سے بہرہ مند
شہپر زاغ و زغن در بند قید و صید نیست
ایں سعادت و قسمت شہباز و شاہین کردہ اند​

 

میں اس کوشش میں ہوں کہ کسی طور مجھے سیدنا علی رضی اللہ تعالی عنہ کے اشعار دستیاب ہوں ۔ سیدنا حسان بن ثابت رضی اللہ کی نعتیہ شاعری کی بھی تلاش میں ہوں ، اگر کبھی مجھے ان دواصحاب رسول صلی اللہ علیہ وسلم کی شاعری میں لفظ عشق اسی معنی میں مل گیا تو یقینا میں اپنے موقف سے رجوع کر لونگا ۔ ۔ ۔

 

سب سے پہلی بات یہ کہ لفظ عشق کا تعلق کسی طور سے بھی مذہب سے نہیں جوڑا جا سکتا یہ انسان کی داخلی کیفیات کا اظہار ہے جو اچھا بھی ہو سکتا ہے اور برا بھی دیکھنا ہے کہ انسان اس کو کس تناظر میں دیکھتا اور محسوس کرتا ہے دوسری بات ہمارے موضوع سے متعلق اس کا اظہار صرف صوفی شعراء کے کلام میں ہی ملے گا

 

سید صاحب ! میں کسی طور لفظ عشق کو مذہب سے نہیں جوڑ رہا ، اور اس بات کی شہادت میرے پچھلے تمام پیغامات ہیں بلکہ اس لفظ کے معنی کے بارے میں میرے جو محسوسات تھے وہ روز اول ہی میں نے بیان کر دئیے تھے (ایک غلطی جو مجھ سے اپنے پہلے پیغام میں ہوئی وہ الفاظ کے چناؤ میں بے احتیاطی تھی اور جسے میں تسلیم کر چکا ہوں) میں واضح کر چکا ہوں کہ اس لفظ کو پچھلی کچھ صدیوں میں جس معنی میں استعمال کیا جا رہا ہے میں اس استعمال میں کوئی قباحت نہیں سمجھتا اگر کسی نے اسے استعمال کیا ہے تو درست ہے مگر میں خود کسی طور اس لفظ کو وہ معنی نہیں دے سکتا ، مجھے اگر وہ معنی اپنی کسی تحریر میں بیان کرنے ہوئے تو میں ان کے لیے " محبت " کا لفظ استعمال کرونگا ، مجھے یہ تسلیم کرنے میں بھی کوئی عار نہیں کہ کچھ سال پہلے تک کہ جب تک مجھے خود اس بات کا ادراک نہیں تھا میں بھی اس لفظ " عشق " کا استعمال انہیں مروجہ معنی میں کرتا رہا ہوں ، مگر پچھلے کئی سال سے میں عشق کے بجائے محبت کا استعمال کرتا ہوں ، جن شخصیات کا ذکر اور حوالاجات آپ یا ملک بلال بھائی دیتے رہے ہیں وہ سب بھی بہترین شاعر ، فلسفی ، مدبر، صوفی اور استاذ ہونے کے ساتھ ساتھ کسی نہ کسی طور ایک مذہبی میلان سبب ہی عام عوام میں جانے جاتے ہیں ۔ میں اس لفظ کی اصل کی تلاش میں ہوں ، اس کے لیے میں نے فصاح العرب سیدنا علی رضی اللہ تعالی عنہ اور سیدنا حسان بن ثابت رضی اللہ کہ جن کا قصیدہ (زمانہ جاہیلت میں) بیت اللہ کی دیوار پر ٹانگا گیا تھا ، اور اس وقت کے تمام عرب شعراء و ادباء نے ان کے استاذ الشعراء تسلیم کیا تھا ، مجھے ان دونوں اصحاب رسول صلی اللہ علیہ وسلم کی شاعری کی تلاش ہے ۔ میں نے ان بزرگوں کی مذہبی نہیں ان کی ادبی استاذی کو دلیل ٹھہرایا ہے ۔ ۔ ۔
اور یہ تلاش بھی صرف الس لفظ سے متعلق ہے ، کہ یہ بزرگ خصوصا سیدنا حسان بن ثابت رضی اللہ اسلام قبول کرنے کے کیا اس لفظ کا استعمال کرتے رہے ہیں ؟ اور اگر کرتے رہے ہیں تو کس معنی میں ؟ اگر میرے اللہ کی مرضی ہوئی تو یہ ایک ادبی تحقیق ہو گی ۔ ۔ ۔

 

جزاک اللہ
سلامت رہیں

 

اب تک میں جس قدر دیوان علی رضی اللہ تعالی عنہ و حسان بن ثابت رضی اللہ تعالی کے اشعار کا مطالعہ کر چکا ہون مجھے یہ لفظ عشق اُس میں کہیں نظر نہیں آیا ۔ ۔ ۔ گو مجھے حساب بن ثابت کا پورا دیوان تو نہ مل سکا مگر ان کی شاعری جو میں نے اب تک دیکھی ہے اس میں یہ لفظ کسی طور شامل نہیں ۔ ۔ ۔ دیوان علی رضی اللہ تعالی کا مطالعہ ہنوز جاری ہے ۔ ۔ ۔

 

رمضان کی وجہ سے کچھ تعطل ہو گیا تھا البتہ اب تک کے مطالعے میں مجھے سیدنا حسان بن ثابت کے کسی شعر میں یہ لفظ نہیں ملا البتہ رمضان کے دوران ایک عرب اہل تشیع کی مسجد میں ایک پروگرام میں شرکت کا موقع ملا ، تقریب کے بعد مین نے شیخ (امام مسجد) سے اس حوالے سے پوچھا تھا انہوں نے مجھے ہاتھ سے لکھا ہوا ایک پرانا مخطوطہ دکھایا تھا جس میں حضرت علی رضی اللہ تعالی سے منسوب ایک شعر میں یہ لفظ موجود ہے اس وقت میں بوجہ وقت کی کمی اور شیخ کی دیگر مصروفیات کے شعر نقل نہ کر سکا اور نہ اُس کا حوالہ لے سکا البتہ بقول ان کے اور خود میری بھی سمجھ کے مطابق اس سے مراد دیوانگی اور بے حیائی ہی مراد ہے ۔ ۔ ۔ اگر کبھی دوبارہ وہاں جانا ہوا تو شعر نقل کر لاؤنگا اور حوالہ بھی معلوم کرنے کی کوشش کرونگا ۔ ۔ ۔