آج کا شعر

دونوں جہان تیری محبت میں ہار کے
وہ جا رہا ہے کوئی شبِ غم گُزار کے

فیض احمد فیض

 

سجا سکتے تھے یادوں کے کئ چہرے،کئ پیکر
مگر کچھ سوچ کر ہم نے یہ گھر ویران رکھا ہے

 

تیرے بنا جو عمر بتائی بیت گئی
اب اس عمر کا باقی حصہ تیرے نام
جتنے خواب خدا نے میرے نام لکھے
ان خوابوں کا ریشہ ریشہ تیرے نام
----------
ایوب خاور

 

میں اپنے آپ سے ملنے لگا تو آنکھ کھلی
مرا وجود مرے راستے کا پتھر ہے۔۔۔

 

فریبِ ہجر میں کیا کیا دکھائی دیتا ہے
وہ جا رہا ہو تو آتا دکھائی دیتا ہے

 

عکس خوشبو ہوں بکھرنے سے نہ روکے کوئی
اور بکھر جائوں تو مجھ کو نہ سمیٹے کوئی

 

رقص ہے رنگ پر رنگ ہم رقص ہیں
سب بچھڑ جائیں گے سب بکھر جائیں گے

 

گلِ نرگس کا گلدستہ بدستِ غیر کیوں بھیجا
جو آنکھیں ہی دکھانا تھیں تو خود آکر دکھا جاتے

 

ﯾﺎﺭﻭﮞ ﮐﯽ ﻣﺤﺒﺖ ﮐﺎ ﯾﻘﯿﮟ ﮐﺮ ﻟﯿﺎ ﻣﯿﮟ ﻧﮯ
ﭘﮭﻮﻟﻮﮞ ﻣﯿﮟ ﭼﮭﭙﺎﯾﺎ ﮨﻮﺍ ﺧﻨﺠﺮ ﻧﮩﯿﮟ ﺩﯾﮑﮭﺎ

 

ﻣﺤﺴﻦ ﻏﺮﯾﺐ ﻟﻮﮒ ﺗﻮ ﺗﻨﮑﻮﮞ ﮐﺎ ﮈﮬﯿﺮ ﮨﯿﮟ
ﻣﻠﺒﮯ ﻣﯿﮟ ﺩﺏ ﮔﺌﮯ ﮐﺒﮭﯽ ﭘﺎﻧﯽ ﻣﯿﮟ ﺑﮩﮧ ﮔﺌﮯ

 

تیری شرطوں پہ ہی کرنا ہے اگر تجھ کو قبول
یہ سہولت تو مجھے سارا جہاں دیتا ہے
اظہر فراغ

 

خوب مل کر گلے سے رو لینا
اس سے دل کی صفائی ہوتی ہے

حقیر

 

آ دیکھ حسرتوں کے ہُوئے سب چراغ گُل
آ دیکھ کیسے بیٹھا ہوں مَیں دل کو مار کے

 

کیا کہوں میں زندگی بھر کس لئے تنہا رہا
آئینہ تھا پتّھروں کے خوف سے سہما رہا

 

در توبہ سے بگولوں کی طرح گزرے لوگ
صورت اگر امڈ آئے جو میخانہ کھلا

 

ہے جس کو حضوری کا شرف خیر ورا سے
بالواسطہ گویا اسے قربت ہے خدا سے

 

کسی غنچہ کو چھوا اور نہ کوئی گل توڑا
گھورتی کیوں ہے مجھے آنکھیں نکالے بلبل
دیوان رند

 

تذکرے سب کے پھر رہیں گے دھرے
جب میرا انتخاب نکلے گا

 

کیا نذر کریں ہم کہ بڑھے زینتِ موسم
آنکھوں کا لہو ہے جو پسند آئے فضا کو

 

وفا کی سِسکیاں‘ اسیر ہوس کے قہقہے‘ توبہ
محبت کی فضا تھرا گئی‘ کیا تم نہ آؤگے

 

شکوہ رکھتا ہوں مگر عجزِ تمنا یہ ہے
ہر ستم بھی تیرا میری ہی خطا ہو جیسے