اسپیشل اولمپک ورلڈ گیمز پاکستان نے 3 گولڈ، 6 سلور اور1 برونز میڈل جیت لیا

اسپیشل اولمپکس میں پاکستان کا نام روشن کرنے والا دستہ وطن واپس پہنچ گیا تاہم اس موقع پر کھلاڑیوں کا ایئرپورٹ پر پرتپاک استقبال کیا گیا۔
جمعے اور ہفتے کی درمیانی شب اسپیشل اولمپکس کے کھلاڑیوں کا دستہ بیرون ملک سے وطن واپس پہنچ گیا، ایئرپورٹ پر ان کا والہانہ استقبال کیا گیا، بڑی تعداد میں اہل خانہ اور شائقین موجود تھے، کھلاڑیوں کے اہل خانہ خوشی سے نہال دکھائی دیے، ٹیم جیسے ہی ایئرپورٹ سے باہر آئی تو انھیں ہار پہنائے گئے اور پھولوں کی پتیاں نچھاور کی گئیں جبکہ اس موقع پر پاکستان زندہ باد کے فلک شگاف نعرے بھی لگائے گئے، ٹیم کے ہمراہ کوچ اور دیگر آفیشلز بھی موجود تھے۔
ابوظہبی میں ہونے والے اولمپکس گیمز میں پاکستانی کھلاڑیوں نے 64 میڈ لز اپنے نام کیے، 10مختلف کھیلوں کے انفرادی اور ٹیم ایونٹس میں سونے کے 19، چاندی کے 27 اور کانسی کے 18 تمغے جیتے، سونے کے تمغے فٹبال، ایتھلیٹکس، پاور لفٹنگ، ٹینس، سائیکلنگ اور باسکٹ بال میں جیتے۔