شعرلکھیں لفظ ہم بتاتے ھیں

علم کے دم سے ہے آ دمی کے گھر میں روشنی
علم ہے کمال زندگی علم ہے ثواب بندگی

کمال

 

ابھی نہ جاو ابھی ناتمام ہے قصہ
میرا کمال تمہارا زوال باقی ہے

ناتمام

 

پھر اسی رہ گزار پر شاید
ہم کبھی مل سکیں مگر شاید

کبھی

 

اے خواب دل نواز نہ آ کر ستا مجھے
ہے نیند آئی ٹوٹ کر بعد از قضا مجھے

ٹوٹ

 

ٹوٹتا ہے تو ٹوٹ جانے دو
آئنے سے نکل رہا ہوں میں

 

شک اپنی ہی ذات پہ ہونے لگتا ہے
اپنی باتیں دوسروں سے جب سنتے ہیں

ذات

 

تیری ہی ذات سے تو ہے وابستہ یہ طلسم
ہم ہوویں پھر کہاں کے اگر ہم میں تو نہ ہو

طلسم

 

جادو ہے یا طلسم تمہاری زبان میں
تم جھوٹ کہہ رہے تھے مجھے اعتبار تھا


جھوٹ

 

یہ والا تو بہت مشکل ہے ۔ آپ کوئی دوسرا لفظ بتائیں ۔

 

بخت سے کوئی شکایت ہے نہ افلاک سے ہے
یہی کیا کم ہے کہ نسبت مجھے اس خاک سے ہے
۔۔۔۔۔۔۔۔۔۔۔۔۔۔۔۔۔۔
چلیں اب کوشش کریں
خاک

 

مقصود کمالی بھائی کے لیے امدادی پیکج:
سب کہاں کچھ لالہ و گل میں نمایاں ہوگئیں

خاک میں کیا صورتیں ہونگیں کہ پنہاں ہوگئیں!​

کیا۔۔۔۔۔۔۔۔۔!(سوالیہ نہیں استعجابیہ)مقصود کمالی بھائی کے لیے دونوں کے استعمال کی خصوصی رعایت

 

یہ بھی دن دیکھنا نصیب تھا کیا
وہ جو آنکھیں چُرا رہے ہیں آج

زنیرہ گلؔ

-----------
آنکھیں

 

عالم آئینہ ہے جس کا وہ مصور بے مثل
ہائے کیا صورتیں پردے میں بناتا ہے میاں!
۔۔۔۔۔۔۔۔۔۔۔۔۔۔۔۔
کیا صورتیں بگڑی ہیں مشتاقوں کی ہجراں میں!
اس چہرے کو اے خالق ایسا نہ بنانا تھا

 

اُن کی آنکھیں سوال کرتی ہیں
میری ہمت جواب دیتی ہے

جواب

 

سمجھے خاموش زباں بھی کوئی اب
منہ سے کیوں کر جواب مانگا گلؔ

زنیرہ گل
-----------------
خاموش

 

کوئی ہنگامہ حیات نہیں
رات خاموش ہے سحر خاموش
۔۔۔۔۔۔۔۔۔۔۔۔۔۔
ہنگامہ

 

ہنگامہ ہے کیوں برپا تھوڑی سی جو پی لی ہے
ڈاکا تو نہیں مارا چوری تو نہیں کی ہے

اکبر الہ آبادی

 

چوری چوری ہم سے تم آ کر ملے تھے جس جگہ
مدتیں گزریں پر اب تک وہ ٹھکانا یاد ہے
حسرت موہانی
#ٹھکانا

 

اپنے رہنے کا ٹھکانا اور ہے
یہ قفس یہ آشیانا اور ہے
موت کا آنا بھی دیکھا بارہا
پر کسی پر دل کا آنا اور ہے

 

ہے جہاں تک خیال کی پرواز

میں وہاں تک قفس لکھے جاؤں

جون ایلیا​

پرواز