بیت بازی - حصہ دوم

یقیں کی خاک اڑاتے گماں بناتے ہیں
مگر یہ طرفہ عمارت کہاں بناتے ہیں

 

نئے سخن کی طلب گار ہے، نئی دنیا
وہ ایک بات پرانی، کہیں تو کس سے کہیں

 

نارسا بخت کا گِلہ کیسا!
جب سفر ہی تمام راہ میں ہے

 

یادِماضی عذاب ہے یارب ۔۔۔۔۔۔چھین لے مجھ سے حافظہ میرا

 

اٹھتے جوبن پہ کھل پڑے گیسو
آ کے جوگی بسے پہاڑوں میں

 

ابتدا ہی میں مرگئے سب یار
عشق کی کون انتہا لایا!

 

انتہا عشق کی کوئی نہ ہوس کی کوئی
دیکھنا یہ ہے کہ حد کون، کہاں کھینچتا ہے

 

یہ جو رات دن کا ہے کھیل سا، اسے دیکھ، اس پہ یقین نہ کر
نہیں عکس کوئی بھی مستقل، سرِ آئینہ، اُسے بھول جا

 

اسے اب بھول جانے کا ارادہ کر لیا ہے
بھروسہ غالباً خود پر زیادہ کر لیا ہے

 

یہ بگولہ تو نہیں دشت محبت میں سے
جمع ہو خاک اُڑی کتنی پریشانوں کی

 

یہ جو سرگشتہ سے پھرتے ہیں کتابوں والے
ان سے مت مل کہ انہیں روگ ہیں خوابوں والے
زندہ رہنے کی تمنا ہو تو ہو جاتے ہیں
فاختاؤں کے بھی کردار عقابوں والے

 

یہاں پہ سکّۂ اہلِ ریا نہیں چلتا
کہ اہلِ درد نظر سے کلام کرتے ہیں
امجداسلام امجد

 

وہ میں اُس بےلطف کے گھبراہٹ دل ہی کو تو نہیں
سارے حواسوں میں ہے تشت جان بھی ہے گھبرائی ہوئی
میر تقی میر

 

یہ اہلِ دل کی محفل ہے یہاں بیٹھو تسلی سے
کسی سے بھی یہاں کوئی ریاکاری نہیں ہوتی

نازخیالوی

 

اسے دل سے بھلا دینا ضروری ہو گیا ہے
یہ جھگڑا ہی مٹا دینا ضروری ہو گیا ہے

جلیل عالیؔ

 

بند باہر سے مری ذات کا در ہے مجھ میں
میں نہیں خود میں یہ اک عام خبر ہے مجھ میں
جون ایلیا

 

پہلے مزاجِ رہگذر جان جائیے
پھر گردِ راہ جو بھی کہے مان جائیے

(قتیل شفائی)

​

 

یہ ممکن ہے تمہارا عکس ہی برہم ہو چہرے سے
اسے تم آئنے کی سرگرانی کیوں سمجھتے ہو