اُنکی توصیف کو یہ میرا قلم ؟ کیا کہنے۔ شب معراج پر عطا شدہ تازہ ہدیہ نعت

السلام علیکم ۔ معراج شریف کی رات بحمداللہ تعالی پر کچھ نعتیہ اشعار ترتیب پاگئے۔
اہلِ ذوق و اہلِ محبت کی نذر ہیں۔
اللھم صل علی سیدنا ومولانا محمد وعلی آلہ وصحبہ وبارک وسلم۔

مجھ گنہگار پہ آقا کا کرم ، کیا کہنے
اُنکی توصیف کو یہ میرا قلم ، کیا کہنے

آج میں رشکِ فلک ہوگیا خاکی ہو کر
اُنکی دہلیزپہ سرمیرا ہے خم ، کیا کہنے

اُن کی رفتار کا اِدراک کسے ،جن کے لیے
عرش و اَفلاک ہیں دوچار قدم ، کیا کہنے

پوچھا جبریل سے دیکھا ہے کوئی مجھ سا حسیں؟
بولا کُل حُسنِ جہاں آپ سے کم ، کیا کہنے

قیصرو کِسریٰ پہ لرزہ ہے بوقتِ میلاد
گر گئے سجدے میں کعبے کےصنم ، کیا کہنے

جب بھی آقا کے وسیلے سے خدا سے مانگا
میری جھولی سے ہوا زیادہ کرم ، کیا کہنے

ساقئی طیبہ کے مہ خوار ہیں محبوبِ خدا
اُن کی مستانہ نگاہی کی قسم ، کیا کہنے

کون دیکھے سوئے جنت، حوروغِلماں کی طرف
جس کی نظروں میں ہو طیبہ کا حرم ، کیاکہنے

کُھل ہی جاتے سرِ محشر میرے سب عیب و گناہ
رکھ لیا اُن کی شفاعت نے بھرم ، کیا کہنے

سہما بیٹھا تھا نکیروں کے سوالوں سے رضا
آئے سرکار، مٹے سارے ہی غم کیا کہنے

محمد نعیم رضاقادری۔ 5مئی 2016 بروز جمعرات۔​

 

پوچھا جبریل سے دیکھا ہے کوئی مجھ سا حسیں؟
بولا کُل حُسنِ جہاں آپ سے کم ، کیا کہنے
سبحان اللہ سبحان اللہ سبحان اللہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

آپ سب کی محبتوں اور حوصلہ افزائی کے لیے بہت بہت شکریہ ۔
جزاکم اللہ خیر۔

 

سبحان اللہ

 

شکریہ پاکستانی بھائی۔ جزاک اللہ

 

آمین ۔ جزاک اللہ بھائی۔
"خوش قلمی " ۔۔ واہ

 

بہت شکریہ پیارے بھائی۔ جزاک اللہ خیر

 

شکریہ دعا بہن۔ جزاک اللہ

 

شکریہ برادر گرامی۔ جزاک اللہ

 

جزاک اللہ

 

شکرا کثیرا

 

جب بھی آقا ﷺ کے وسیلے سے خدا سے مانگا
میری جھولی سے ہوا زیادہ کرم ، کیا کہنے
بہت خوب سبحان اللہ جزاک اللہ