دل مدینے کی فضاؤں کے نظارے مانگے ۔ تازہ نعتیہ کلام

اللھم صلّ علی سیدنا ومولانا محمد وعلیٰ آلہ وصحبہ وبارک وسلم

چاند مانگے نہ فلک کے یہ ستارے مانگے
دل مدینے کی فضاؤں کے نظارے مانگے

حاصلِ عمر تھے وہ دن جو مدینے گذرے
زندگی پھر سے شب و روز وہ پیارے مانگے

بخش دیتا ہے خدا سارے گنہگاروں کو
اُس کی رحمت تو محمد کے اشارے مانگے

لفظِ جاؤکَ وسیلہ ہے یقینِ بخشش
ورنہ کیا ہوتا فقط میرے تمھارے مانگے

لے لیا اِذنِ شفاعت تو حشر میں گویا
کملی والے نےسبھی عصیاں کےمارےمانگے

عظمتِ دورِ صحابہ تھی اِسی میں مُضمِر
ہر کڑے وقت میں آقا کے سہارے مانگے

پنجتن پاک سفینہ ہیں صحابہ کوکب
یہ توسارےہیں محمدکے'سنوارےمانگے'

خردمندوں کی رسائی میں نہیں ذوقِ جنوں
چشمِ ساقی میں جو ڈوبے، نہ کنارے مانگے

وہ ہے بدبخت، لبِ جُو جو مرے ہے پیاسا
بُھولے آقا کو، جہنم کے شرارے مانگے

قبرمیں آئے جو سرکار، کہا "صلِّ علیٰ "
پھر نکیروں نے نہ اعمال ہمارے مانگے

وہی پاتا ہے رضا منزلِ مقصود یہاں
جو کہ ہرگام پہ آقا کو پکارے ،مانگے

ہدیہ کلام: محمد نعیم رضا۔ 19جنوری 2016

 

"قبرمیں دیکھ کے آقا ،جوکہا "صلِّ علیٰ "
پھر نکیروں نے نہ اعمال ہمارے مانگے

وہی پاتا ہے رضا منزلِ مقصود یہاں
جو کہ ہرگام پہ آقا کو پکارے ،مانگے"
بہت عمدہ کلام۔۔۔سبحان اللہ ۔۔
اللہ پاک ہم سب کو بھی آقائے دوجہاں حضرت محمد صلی اللہ علیہ وآلہ وسلم کی محبت نصیب فرمائے۔آمین

 

ما شاء اللہ بہت خوب نعت شریف ہے شکریہ۔

 

آمین شکریہ۔ جزاک اللہ خیر

 

شکریہ میڈم جی ۔ جزاک اللہ خیر

 

حوصلہ افزائی کے لیے ممنون ہوں بلال بھائی۔ جزاک اللہ خیر
سلامت رہیے

 

very beautiful Subhan Allah

 

شکریہ زنیرہ عقیل ۔ جزاک اللہ خیر
حوصلہ افزائی کے لیے ممنون ہوں

 

جزاک اللہ خیر

 

اس کے جواب میں مجھے کیا کہنا چاہیے ؟

 

وایاکِ

 

بخش دیتا ہے خدا سارے گنہگاروں کو
اُس کی رحمت تو محمد کے اشارے مانگے
بیشک سبحان اللہ ۔ جزاک اللہ