شعرلکھیں لفظ ہم بتاتے ھیں

مجھ میں رہتا ہے کوئی دشمن جانی میرا
خود سے تنہائی میں ملتے ہوئے ڈر لگتا ہے
(بشیر بدر)

تنہائی

 

کہاں کا وصل تنہائی نے شاید بھیس بدلا ہے
ترے دم بھر کے مل جانے کو ہم بھی کیا سمجھتے ہیں
فراق گورکھپوری

وصل

 

دل میں ذوقِ وصل و یادِ یار تک باقی نہیں
آگ اس گھر میں لگی ایسی کہ جو تھا جل گیا
(چچا غالب)

آگ

 

شکیل صاحب پہلی بات تو یہ کہ شعر تحریری شکل میں دین، تصویری شکل میں نہیں۔
دوسری بات یہ کہ جو لفظ آپ نے دیا ہے وہ آپ کے دیئے شعر میں تو موجود ہی نہیں۔

 

ضعف سے ہے، نے قناعت سے یہ ترکِ جستجو
ہیں "وبالِ تکیہ گاہِ ہِمّتِ مردانہ" ہم
(چچا غالب)

قناعت

 

تو ہی ناداں چند کلیوں پر قناعت کر گیا
ورنہ گلشن میں علاج تنگی داماں بھی ہے
---------------------
داماں

 

ہنسا کچھ کھلکھلا کر پہلے، پھر مجھ کو جو پہچانا
و یہ رویا کہ جوئے خوں بہی پلکوں کے داماں سے
(چچا غالب)

پلک /پلکیں / پلکوں

 

ان کی پلکوں پر ستارے اپنے ہونٹوں پہ ہنسی
قص غم کہتے کہتے ہم کہاں تک آ گئے
قابل اجمیری
۔۔۔۔۔۔۔۔۔۔۔
ہونٹ

 

دوسرے مصرعے کا پہلا لفظ قص کی بجائے "قصہ" کر لیں۔

 

سوال وصل پر ان کو عدو کا خوف ہے اتنا
دبے ہونٹوں سے دیتے ہیں جواب آہستہ آہستہ
(امیر مینائی)

وصل

 

شب وصل ایسی کھلی چاندنی
وہ گھبرا کے بولے سحر ہو گئی
۔۔۔۔۔۔۔۔۔۔۔۔۔۔۔۔
چاند یا چاندنی

 

اتنے گھنے بادل کے پیچھے
کتنا تنہا ہوگا چاند
پروین شاکر

بادل

 

اس شہر کے بادل تری زلفوں کی طرح ہیں
یہ آگ لگاتے ہیں بجھانے نہیں آتے
(بشیر بدر)

آگ

 

وہ آگ ہورہا ہے خدا جانے غیر نے
میری طرف سے اُس کے تئیں کیا لگا دیا

تئیں

 

مت سہل ہمیں سمجھو پہونچے تھے بہم تب ہم
برسوں تئیں گردوں نے جب خاک کو چھانا تھا

حمیت

 

ستم میں ان کے کمی آج بھی نہیں کوئی
مگر ادا میں حمیت سی پائی جاتی ہے
۔۔۔۔۔۔۔۔۔۔۔۔
ادا

 

اپنے ہی لکھے ہوئے شعر سے اگلا لفظ دیں تو مزہ آتا ہے

 

خوبی ہے اس کی حیطۂ تحریر سے بروں
کیا اُس کا طور حسن لکھوں کیا ادا کا رنگ
۔۔۔۔۔۔۔۔۔۔۔۔۔۔۔۔۔۔
ٹھیک ہے جناب لیں مزہ!
۔۔۔۔۔۔۔۔۔۔۔۔۔۔۔۔۔

حیطہ

 

غمِ دل حیطہ تحریر میں آتا ہی نہیں
جو کناروں میں سمٹ جائے وہ دریا ہی نہیں
---------
دریا

 

دریا میں قطرہ قطرہ ہے آب گہر کہیں
ہے میر موج زن ترے ہر اک سخن میں آب
--------
موج

 

فرد قائم ربط ملت سے ہے تنہا کچھ نہیں
موج ہے دریا میں اور بیرون دریا کچھ نہیں
---------
قائم

 

جھوٹ بولا ہے تو قائم بھی رہو اس پر ظفر
آدمی کو صاحبِ کردار ہونا چاہئے
------------
کردار

 

اقبال بڑا اپدیشک ہے من باتوں میں موہ لیتا ہے
گفتار کا یہ غازی تو بنا کردار کا غازی بن نہ سکا
(علامہ اقبال)


من

 

زندگی کے راستے میں دو گھڑی کا ساتھ ہے یہ
اپنے من کی میں بھی کہہ لوں‘ اپنے من کی تُو بھی کہہ لے
بشیر منذر
-------------

زندگی

 

حالات نے کسی سے جدا کر دیا مجھے
اب زندگی سے زندگی محروم ہو گئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محروم

 

صِدق و صفائے قلب سے محروم ہے حیات
کرتے ہیں بندگی بھی جہنم کے ڈر سے ہم
۔۔۔۔۔۔۔۔۔۔۔۔
ڈر

 

کس ڈھب سے راہ عشق چلوں ہے یہ ڈر مجھے
پھوٹیں کہیں نہ آبلے ٹوٹیں کہیں نہ خار

خار

 

گل تو گل خار تک چن لیے ہیں
پھر بھی خالی ہے گلچیں کا دامن
۔۔۔۔۔۔۔۔۔۔۔۔۔۔۔۔۔۔۔۔۔۔
گل

 

کہا میں نے کتنا ہے گل کا ثبات
کلی نے یہ سن کر تبسم کیا
---------
ثبات