اشعار بہ لحاظ حروف تہجی ( نئی لڑی )

ثابت ہوا ہے گردن مینا پہ خون خلق

لرزے ہے موج مے تری رفتار دیکھ کر
غالبؔ

 

جب شہر کے لوگ نہ رستا دیں کیوں بن میں نہ جا بسرام کرے
دیوانوں کی سی نہ بات کرے تو اور کرے دیوانا کیا
(ابن انشاء)

 

چیخ و پکار میں تو ہیں شامل تمام لوگ
کیا بات ہے یہ کوئی بتا بھی نہیں رہا
منظور ہاشمی

 

حال دل یار کو لکھوں کیوں کر
ہاتھ دل سے جدا نہیں ہوتا
(مومن خان مومن)

 

خودی کو کر بلند اتنا کہ ہر تقدیر سے پہلے
خدا بندے سے خود پوچھے بتا تیری رضا کیا ہے
علامہ اقبال ؒ

 

درد دل کے واسطے پیدا کیا ہے انساں کو
ورنہ طاعت کے لیے کچھ کم نہ کرو و بیاں
(علامہ اقبال)

 

ڈوبتے دل نے دعا مانگی کی کچھ اور جیے
یک بیک آندھیاں اٹھنے لگیں ہر جانب سے

 

ذوقؔ جو مدرسے کے بگڑے ہوئے ہیں ملا
ان کو مے خانے میں لے آؤ سنور جائیں گے
(شیخ ابراہیم ذوق)

 

روتے روتے مری آنکھیں ہوئیں ساون بھادوں
اب خدا کے لیے مجکو نہ ستائے بادل
نواب

 

زندگی تیری عطا ہے تو یہ جانے والا
تیری بخشش تری دہلیز پہ دھر جائے گا
(احمد فراز)

 

سر میرا کاٹ کے پچھتائیے گا
جھوٹی پھر کس کی قسم کھایئے گا
داغ دہلوی

 

شدت تشنگی میں بھی غیرت مے کشی رہی
اس نے جو پھیر لی نظر میں نے بھی جام رکھ دیا
(احمد فراز)

 

صد جلوہ رو برو ہے جو مژگاں اٹھائیے
طاقت کہاں کہ دید کا احساں اٹھائیے
غالبؔ

 

ضبط لازم ہے مگر دکھ ہے قیامت کا فرازؔ
ظالم اب کے بھی نہ روئے گا تو مر جائے گا
(احمد فراز)

 

طریقہ اس سے آساں اور کیا ہے گھر بنانے کا
میرے آغوش میں آ کر جگہ کر لیجیے دل میں

 

ظالم تھا وہ اور ظلم کی عادت بھی بہت تھی
مجبور تھے ہم اس سے محبت بھی بہت تھی
(کلیم عاجز)

 

عشق ایک حکایت ہے سرفروش دنیا کی
ہجر ایک مسافت ہے بے نگار صحرا کی

 

غیر کی نظروں سے بچ کر سب کی مرضی کے خلاف
وہ ترا چوری چھپے راتوں کو آنا یاد ہے
(حسرت موہانی)

 

فرق سائل کی ہے صدا میں کچھ!
یاکمی ظرفِ بادشاہ میں ہے؟

 

قرض کی پیتے تھے مے لیکن سمجھتے تھے کہ ہاں
رنگ لاوے گی ہماری فاقہ مستی ایک دن
(چچا غالب)

 

کردار دیکھنا ہے تو صورت نہ دیکھیے
ملتا نہیں زمیں کا پتا آسمان سے ۔ ۔ ۔

 

گو ہاتھ کو جنبش نہیں آنکھوں میں تو دم ہے
رہنے دو ابھی ساغر و مینا مرے آگے
(چچا غالب)

 

لبوں پہ خیر تبسّم بکھر بکھر ہی گیا
یہ اور بات کہ ہنسنے کو دل ترستا تھا

 

مصحفی فارسی کو طاق پہ رکھ
اب ہے اشعارِ ہندوی کا رواج

مصحفی ہم تو یہ سمجھے تھے کہ ہوگا کوئی زخم
تیرے دل میں تو بہت کام رفو کا نکلا

 

نِگاہِ شوق کو یارائے سیر و دِید کہاں
جو ساتھ ساتھ تجلّئ حُسنِ یار نہ ہو

اصغر گونڈوی

 

نگہ لڑ گئی نوک مژگاں سے یارو
سنبھالو مرے دل پہ بھالا پڑا

 

وہ سامنے تھا مگر اُس کو نگاہ چھو نہ سکی
یہ احترام کی حد تھی یا حوصلے کا کمال۔۔۔؟؟؟

 

وہ تیرے شعروں اور غزلوں میں میرا کھو سا جانا
اب نہ پڑھ پائیں گے دیوان تیرے آج کے بعد

شبیب ہاشمی

 

ہم ہوئے‘ تم ہوئے کہ میر ہوئے
اس کی زلفوں کے سب اسیر ہوئے

 

وہ وقت کہ پہلی بار دل نے
دیکھا تھا تجھے بڑی لگن سے