سادہ سے لوگ ہیں پر صداقت شعار ہیں ہم (پہلا اصلاح طلب کلام)

حق گو نظر میں انکی جو گناہ گار ہیں ہم
سادہ سے لوگ ہیں پر صداقت شعار ہیں ہم
وہ مصلحت پرست سہی ہم حق پرست ہیں
وقت کے خدا کی نظر میں ہیں جو مجرم
لیکن خدا پرست ہیں ہم ایماندار ہیں ہم
ہم حکم عدولی میں کٹا دینگے اپنے سر
بے دین و بے ایمان سے بہتر کنار ہیں ہم
ہم پوچتے نہیں بتِ انساں ”زنیرہ گل”
وہ قول میں صادق تواطاعت گزار ہیں ہم

زنیرہ ”گل”​

 

پسِ دیوار بھی اکثر صدائیں خوب ملتی ہیں
یہاں پر دل لگانے کی سزائیں خوب ملتی ہیں
محبت کرنے والوں کو جفائیں خوب ملتی ہیں
کسی ٹُوٹے ہوئے دل پر ذرا سا پیار کا مرہم
اگر بھُولے سے بھی رکھ دیں دعائیں خوب ملتی ہیں
نجانے موسموں کو اُن سے کیا بغض و عداوت ہے
بِنا مانگے جنہیں غم کی گھٹائیں خوب ملتی ہیں
تمہاری یاد کے جلتے چراغوں کو شبِ غم میں
زمانے بھر کی طوفانی ہوائیں خوب ملتی ہیں
زبانِ بے بیانی ترجمانِ رنج وغم جب ہو
پسِ دیوار بھی اکثر صدائیں خوب ملتی ہیں
لبادہ چاک ہو غنچوں کا یا پت جھڑ کا منظر ہو
ہمیں تو چار سُو تیری ادائیں خوب ملتی ہیں
وہ جن کی آنکھ سے لپٹی ہو وسعت آسمانوں کی
انہیں اونچی اڑانوں کی فضائیں خوب ملتی ہیں

 

بہت خوب ناصر بھائی یہ آپکی اپنی شاعری ہے؟ کیونکہ اس سیکشن کا عنوان ۔ آپکی شاعری ۔ ہے

 

آپکے پاس ماشاءاللہ تخیل و مطالعہ کی گہرائی خوب ہے۔
مخلصانہ مشورہ ہےکہ یا تو آپ نثر پر توجہ دیں اور اگر شاعری ہی کا شوق ہے تو آزاد شاعری پر مشق فرمائیں
اور اگر پابندِ بحور شاعری کرنا چاہتی ہیں تو آن لائن یا شاعری سیکھنے کی کسی کتاب یا استاد سے رجوع فرمائیں۔

 

زندگی میں پہلی بار یہ لکھی ہے آپ کے مشورے پر عمل بھی کرینگے انشاءللہ

 

تخیلات بے شک عمدہ ہیں