قطعات

اپنی مرضی سے کہاں اپنے سفر کے ہم ہیں
رخ ہواؤں کا جدھر کا ہے ادھر کے ہم ہیں
پہلے ہر چیز تھی اپنی مگر اب لگتا ہے
اپنے ہی گھر میں کسی دوسرے گھر کے ہم ہیں

 

ﺩﮐﮫ ﻓﺴﺎﻧﮧ ﻧﮩﯿﮟ ﮐﮧ ﺗﺠﮫ ﺳﮯ ﮐﮩﯿﮟ
ﺩﻝ ﺑﮭﯽ ﻣﺎﻧﺎ ﻧﮩﯿﮟ ﮐﮧ ﺗﺠﮫ ﺳﮯ ﮐﮩﯿﮟ
ﺁﺝ ﺗﮏ ﺍﭘﻨﯽ ﺑﮯ ﮐﻠﯽ ﮐﺎ ﺳﺒﺐ
ﺧﻮﺩ ﺑﮭﯽ ﺟﺎﻧﺎ ﻧﮩﯿﮟ ﮐﮧ ﺗﺠﮫ ﺳﮯ ﮐﮩﯿﮟ

 

دشت میں پیاس بجھاتے ہوئے مرجاتے ہیں
ہم پرندے کہیں جاتے ہوئے مر جاتے ہیں

یہ محبت کی کہانی نہیں مرتی لیکن
لوگ کردار نبھاتے ہوئے مر جاتے ہیں

 

ﮔﮭﺎﺅ ﮔﻨﺘﮯ، ﻧﮧ ﮐﺒﮭﯽ ﺯﺧﻢ ﺷﻤﺎﺭﯼ ﮐﺮﺗﮯ
ﻋﺸﻖ ﻣﯿﮟ ﮨﻢ ﺑﮭﯽ ﺍﮔﺮ ﻭﻗﺖ ﮔﺰﺍﺭﯼ ﮐﺮﺗﮯ !
ﺗﺠﮫ ﻣﯿﮟ ﺗﻮ ﺧﯿﺮ ﻣﺤﺒّﺖ ﮐﮯ ﺗﮭﮯ ﭘﮩﻠﻮ ﮨﯽ ﺑﮩﺖ ...
ﺩﺷﻤﻦ ِﺟﺎﮞ ﺑﮭﯽ ﺍﮔﺮ ﮨﻮﺗﺎ ﺗﻮ ﯾﺎﺭﯼ ﮐﺮﺗﮯ !!

 

چپ نا رہتے بیان ہوجاتے
تجھ سے گر بدگمان ہوجاتے
ضبط غم نے بچالیا ورنہ
ہم کوئی داستان ہوجاتے

 

میرے نصیب میں باقی زرا گمان بھی نہیں
اگر زمین بھی نہیں میری آسمان بھی نہیں
جسے شمار کیا کرتا تھا ستاروں مے
رہا اب اسکا تو باقی نشان بھی نہیں

 

کچھ نہ کچھ عشق کی تاثیر کا اقرار تو ہے
اس کا الزام تغافل پہ کچھ انکار تو ہے
ہر فریب غم دنیا سے خبردار تو ہے
تیرا دیوانہ کسی کام میں ہوشیار تو ہے

 

نشۂ ناز نے بے حال کیا ہے تم کو
اپنے ہی زور میں کمزور ہوئی جاتی ہو
میں کوئی آگ نہیں، آنچ نہیں، دھوپ نہیں
کیوں پسینہ میں شرابور ہوئی جاتی ہو

 

درد لیں گے نہ ہم دوا لیں گے
اپنے حصے کی کچھ سزا لیں گے
بات وہ جو کبھی ہوئی ہی نہیں
ہم اسی بات کا مزا لیں گے

 

کیوں ملکر بھی تم سے، ملاقات ادھوری رہتی ہے
باتیں تو ہوتیں ہیں لیکن، کُچھ بات ادھوری رہتی ہے
کئی بار کہنا چاہا میں نے تُم سے، مگر نہ کہہ سکا
کہ تُم بِن میرے دن تنہا، اور رات ادھوری رہتی ہے

 

کوئی ملا تو کسی اور کی کمی ہوئی ہے
سو دل نے بے طلبی اختیار کی ہوئی ہے
جہاں سے دل کی طرف زندگی اترتی تھی
نگاہ اب بھی اسی بام پر جمی ہوئی ہے

 

ﺗﻤﮭﺎﺭﮮ ﺷﮩﺮ ﮐﯽ ﮨﺮ ﭼﮭﺎﺅﮞ ﻣﮩﺮﺑﺎﮞ ﺗﮭﯽ ﻣﮕﺮ
ﺟﮩﺎﮞ ﭘﮧ ﺩﮬﻮﭖ ﮐﮭﮍﯼ ﺗﮭﯽ ﻭﮨﺎﮞ ﺷﺠﺮ ﮨﯽ ﻧﮧ ﺗﮭﺎ
ﺑﺪﻥ ﻣﯿﮟ ﭘﮭﯿﻞ ﮔﯿﺎ ﺷﺎﺥ ﺑﯿﻞ ﮐﯽ ﻣﺎﻧﻨﺪ
ﻭﮦ ﺯﺧﻢ ﺳﻮﮐﮭﺘﺎ ﮐﯿﺎ ، ﺟﺲ ﮐﺎ ﭼﺎﺭﮦ ﮔﺮ ﮨﯽ ﻧﮧ ﺗﮭﺎ

 

راستہ ہےکہ کٹتا جاتا ہے
فاصلہ ہے کہ کم نہیں ہوتا
وقت کرتا ہے پرورش برسوں
حادثہایک دم نہیں ہوتا

 

ایک کہانی ختم ہوئی ہے ایک کہانی باقی ہے
میں بے شک مسمار ہوں لیکن میرا ثانی باقی ہے
دشت جنوں کی خاک اڑانے والوں کی ہمت دیکھو
ٹوٹ چکے ہیں اندر سے لیکن من مانی باقی ہے

 

ہے فصل یاس تو خود کو کوئی فریب ہی دیں
کوئی اُمید دلاؤ کہ آرزو تو رہے
نظر اُٹھے نہ اُٹھے دل ہی کچھ ٹھہر جائے
قدم اُٹھیں نہ اُٹھیں کوئی جستجو تو رہے

 

جو چاہتی دنیا ہے وہ مجھ سے نہیں ہوگا
سمجھوتا کوئی خواب کے بدلے نہیں ہوگا
اب رات کی دیوار کو ڈھانا ہے ضروری
یہ کام مگر مجھ سے اکیلے نہیں ہوگا

 

تم ہو جاناں شباب و حسن کی آگ
آگ کی طرح اپنی آنچ میں گم
پھر مرے بازوؤں پہ جھک آئیں
لو اب مجھے جلا ہی ڈالو تم

 

کسی کا عشق ، کسی کا خیال تھے ہم بھی
گئے دنوں میں بہت با کمال تھے ہم بھی
ہماری کھوج میں رہتی تھیں تتلیاں اکثر
کہ اپنے شہر کا حسن و جمال تھے ہم بھی

 

،،،، تجھ ،،،

 

حادثہ ،،،،

 

تمہارے خط میں نیا ایک سلام کس کا تھا
نہ تھا رقیب تو آخر وہ نام کس کا تھا
وہ قتل کرکے مجھے ہر کسی سے پوچھتے ہیں
یہ کام کس نے کیا ہے یہ کام کس کا تھا

 

خمار چاہت کا اتر جائے گا
جانتا تھا وہ بچھڑ جائے گا
پتہ تھا دشتِ ہجراں میں دل
خاک ہوگا اور بکھر جائے گا

 

ازل سے ایک عذاب قبول و رد میں ہوں
کبھی خدا تو کبھی ناخدا کی زد میں ہوں

خدا نہیں ہوں مگر زندہ ہوں خدا کی طرح
میں اک اکائی کے مانند ہر عدد میں ہوں

میں اپنا آپ ہی خالق ہوں آپ ہی مخلوق
میں اپنی حد سے گزر کر بھی اپنی حد میں ہوں

مرا تضاد ہی میری بقاء کا ضامن ہے
میں مطمئن ہوں اگر اپنے جزر و مد میں ہوں

یہی بڑائی ہے میری کہ آدمی ہوں میں
کہ اپنے جسم میں ہوں، اپنے خدوخال میں ہوں

حمایت علی شاعر

 

محبت گولیوں سے بو رہے ہو
وطن کا چہرہ خون سے دھو رہے ہو
گماں تم کو کہ رستہ کٹ رہا ہے
یقین مجھ کو کہ منزل کھو رہے ہو

#RIPDrHasanZafarArif

 

مُستقبل ہو کُچھ تو حال بتائیں بھی
مل جائے تو دل کے زخم دکھائیں بھی
لوگوں کا کیا، لوگ تو پتھر ماریں گے
دامن چاک کریں پاگل کھلائیں بھی

 

قطعہ چار مصرعوں کا بند جن کا مضمون ایک ہی ہو اور آخری مصرع ہم قافیہ ہو

 

مر بھی جاؤں تو مت رونا
اپنا ساتھ نہ چھوٹے گا
تیری میری چاہ کا بندھن
موت سے بھی نہ ٹوٹے گا

 

نہ انتظار کی لذت نہ آرزو کی تھکن
بجھی ہیں درد کی شمعیں کہ سو گیا ہے بدن
سُلگ رہی ہیں نہ جانے کس آنچ سے آنکھیں
نہ آنسوؤں کی طلب ہے نہ رتجگوں کی جلن

 

غم عاشقی سے کہہ دو رہ عام تک نہ پہنچے
مجھے خوف ہے یہ تہمت تیرے نام تک نہ پہنچے
میں نظر سے پی رہا تھا تو یہ دل نے بد دعا دی
تیرا ہاتھ زندگی بھر کبھی جام تک نہ پہنچے

 

اب کہاں وصل کی گھڑیاں وہ ثوابوں جیسی
ہر گھڑی اپنی تو گذرے ہے عذابوں جیسی
میں بھٰی بھولوں کو نہیں یاد دلانے والا
اس کی عادت بھی وہی بھولنے والوں جیسی