نعت رسول اکرم ﷺ

مکّے میں آج آمدِ خیرالانام ہے
ہر چارسو صدائے درود و سلام ہے
اے ذائرین شہر مدینہ سنو سنو
چلنا سنبھل کے یاں یہ ادب کا مقام ہے
میں تو مکینِ گنبدِ خضرا کا مست ہوں
میرے لبوں پہ مدحتِ سرور کاجام ہے
لِلہ دستگیری مری کیجئے حضور

مشکل میں یارسول تمھارا غلام ہے
رعنائیاں گلوں کی نہ بھائیں گی اب مجھے
نظروں میں میری جلوۂ ماہ تمام ہے
ہمسر کوئی ہوا ہے نہ ہوگا حضور کا
اعلی ہر اِک بَشر میں انہیں کا مقام ہے
رب کی رضا کے واسطے روزِ جزا سنو
لاریب انبیأ کو بھی آقا سے کام ہے
آسؔی کہیں بھی لطف نہ ایسا ملا ہمیں
جیسا تِری غلامی میں لطفِ دَوام ہے

عثمان غنی آسؔی انصاری

 

نوازش

 

سبحان اللہ

 

جزاک اللہ خیرا

 

سبحان اللہ

 

شکریہ
جزاک اللہ خیرا
خوش رہیں

 

وإياك
سلامت رہیے