لکھنوی زبان

حضور توند تو بڑھنی ہے کہ ان شہر لاہور میں گوشت خر اور گوجرانوالہ میں چڑے شریف میسر ہیں

 

صاحبو! اک ایک کرکے مہربان محفل گوشہ نشین ہوئے جارہے ہیں کوئی تو ایسی راہ بتائے کہ صبح کے بھولے شام کو لوٹ سکیں۔

 

بانگِ بے ہنگام جب سماعت سے ٹکرائی تو دوڑتی چلی آئی تعجیل کاری کے سبب سانس پھولی ہوئی تھی
آئینۂ خیال میں عجب تصورات تھے کہ اس لڑی میں آخر ہو کیا رہا ہے؟

 

درست فرمایا تہہ ورق ہی نہیں بلکہ اس قدر توڑ پھوڑ ڈالا ہے جیسے صفِ اعداء میں شمشیر زنی کر رہے ہوں

 

آج بھی اردو سے محبت کرنے والے اس کے فروغ کے لئے کوشاں ہیں لیکن جدید تعلیمی نظام نے اردو کی اہمیت ہی کم نہیں کی بلکہ اردو میں بھی انگلش کی آمیزش کرکے اس ک خوبصورتی میں بگاڑ پیدا کیا۔۔۔۔۔۔۔۔

 

ہم نے بچپن ہی سے اردو میں تکلم و تحریر پر اکتفا کیا ہے بجائے پشتو کے کیوں کہ میلان و رحجان شروع ہی سے ارد و کی طرف منعطف تھا

 

یوں تو ہمارے ہاں بھی اردو زبان میں ہی گفتگو ہوتی ہے لیکن شستہ اور شگفتہ اردو کے لئے ادبی میلان ہونا ضروری ہے۔
مزید برآں جب تک تحریر میں مشق نہ کی جائی تو اردو میں ملکہ حاصل نہیں ہوسکتا۔

 

شہزادیوں کا دور دورہ ہونے کی بنا ءپر احتیاجِ ملکہ کا رونا شہزادیوں کی بے قدری بے قعتی ہے اور فطرتِ آتشیں پر گراں گزرتا ہے

 

اس دور غریباں میں کس کو میسر ہے شہزادیوں کا مقام۔ اور جو اک آدھ دھوکہ دہی سے موٹر بائیک سے بلند و بالا عمارتوں کے صاحبان کہلائے۔ آج اپنے ملک کی مٹی کو ترس گئے اور دیار غیر میں دھول چاٹ رہے ہیں گویا وہاں کی ملکہ انھیں بھی نیلے رنگ کا پاسپورٹ عنایت فرما کر پروانہ آذادی عطا فرما دیں گی۔

 

اس عیش پسند دور جس میں سٹرکوں پر جھاڑو لگاتے ہوئے خاکروب بھی 18 سے 30 ہزار کے درمیان فروخت ہونے والے دستی گشتی آلہ سماعت سے سلفیاں بناتے ہوئے نظر آتے ہیں کو آپ نے دور غریباں کہہ کر اور شہزادیوں کی تحقیر کی ہے آپ کو اس استخفاف ِ نظر کی قیمت چکانی ہوگی اور ان شہزادیوں کی تعریف میں چند فقروں میں انکے حق میں گل فشانی کرنی ہوگی

 

دستی آلہ سماعت کے سبب ہی انسان نے اپنے آپ کو مشکل میں ڈال رکھا ہے۔
حالانکہ اس آلہ میں یہ معلوم ہوجاتا ہے کہ کس نے اور کب پکارا لیکن ہم نجانے کیوں یہ نہیں سوچتے کہ گاڑی چلانے اور سڑک پار کرتے ہوئے کسی کی پکار کو سننا خطرے سے خالی نہیں۔
جبکہ حقیقت یہ ہے کہ شہزادیاں درون خانہ تو اس آلہ سماعت میں مگن رہتی ہیں لیکن بیرون خانہ اسے پرس کے اندر سلا دیتی ہیں تاکہ کوئی نئی مصیبت نازل نہ ہوجائے۔

 

اب تو ہمارا شمار بھی عدیم الفرصت افراد میں ہونے لگا ہے

 

اس قدر بھاری بھرکم ثقیل لفاظی کے میدان میں اگر کمی ہے تو شکیل احمد خان پہلوان کی اور ہم چاہتے ہیں کہ محترم آکر اپنی فصاحت و بلاغت کے جوہر اور لفظوں کے شطرنج کو اس لڑی میں کھیل کر اردو کے متصرفین کے تسلط کو نابکار ثابت کرے

 

لکھنوی زبان کی خوبصورت لڑی کی دہلیز پر نظریں بچھائے منتظر بیٹھے چشمِ براہ معصوم سا کو شرف ملاقات بخشیے اور ساتھ ہی مترقب کی امیدوں کو طمانیت و تسکین

 

ہم جیسے آزردہ خاطروں کا آپ کے قیل و قال سے دل بہل جاتا ہے