ہماری اردو - انٹرنیٹ سے آگے(سلسلے ملاقاتوں کے)

تے ایہہ تے ہور چنگی گل اے، قائم رہنا ان شاء اللہ عید تے اپڑ ریا واں تے تسی سہولت ویکھ کے کوئی پروگرام مرتب کرو دوستاں دا اکٹھ ہو جائے تے واہ واہ ہو جائے، انتظام و ترتیب آپ دا تے باقی میرے ذمے۔ تے نالے تہاڈا واٹس ایپ رس تے نئیں گیا؟ یا نمبر بدل تے نئیں دتا؟ ساریاں خبراں دیناں

 

السلام علیکم ۔ گذشتہ ماہ جولائی میں پاکستانی گرمی اور لوڈ شیڈنگ کا لطف اٹھانے کا شوق جاگا تو اپنے دونوں بچوں کے ہمراہ پاکستان کی راہ لی۔ پیارے بھائی ھارون رشید صاحب کو پیشگی آگاہ کردیا لیکن وہ بھی اور میں بھی اپنی گوناگوں مصروفیت کی وجہ سے باہم رابطہ میں نہ رہ سکے۔ گو کہ ھارون بھائی نے چھوٹے بھائی وسیم رضا کے نمبر پر ٹرائی بھی کیا لیکن بہرحال رابطہ نہ ہوسکا۔ البتہ پاکستانی55 بھائی سے فون پر رابطہ ہوگیا۔ لیکن ان سے ملاقات کے لیے پاکستان کی بجائے برطانیہ جانا ضروری ہے۔
واپسی سے چند دن قبل محترم ھارون بھائی، محترم الکرم صاحب اور محترم سید شہزاد ناصر صاحب سے فون پر رابطہ ہوا ۔ میں نے ندامت بھرے انداز میں ان بھائیوں سے گرمی اور مصروفیت کو موردِ الزام ٹھہراتے ہوئے قلتِ وقت کے باعث نہ مل سکنے کی معذرت کی۔ جس پر انکا محبت بھرا اظہارِ تاسف قابلِ فہم تھا۔
تاہم واپسی فلائیٹ اسلام آباد ائیرپورٹ سے ہونے کی وجہ سے محترم سید شہزاد ناصر اور محترم ڈاکٹر@آصف حسین صاحب نے کمال محبت کا مظاہرہ کرتے ہوئے ائیرپورٹ پر ملاقات کا عندیہ دیا۔ بقول ھارون بھائی محترم محبوب خان بھائی اور محترم واصف حسین صاحب اور دیگر احباب سے اسلام آباد سے دور ہونے کی وجہ سے شرفِ ملاقات حاصل نہ ہوسکا۔
اسلام آباد کی ٹریفک اور ہمارے ڈرائیور صاحب کی ناواقفیت کی بنا پر ائیرپورٹ پہنچتے پہنچتے کافی دیر ہوگئی۔ اس پر ستم یہ ہوا کہ ہمارے ڈرائیور بھائی پارکنگ کی بجائے ڈائریکٹ ڈیپارچرلاونج کے سامنے ڈراپ ان لین میں اتار کر چلے گئے۔ ایسی ہی کشمکش میں محترم ڈاکٹر آصف حسین صاحب اور محترم سید شہزاد ناصر صاحب سے ملاقات ہوسکی۔ جہاں ٹھیک سے بیٹھنے کی جگہ تھی نہ ہی وقت !
تاہم چند لمحوں کی ملاقات میں ان دونوں احباب کی پرخلوص محبتوں کو سمیٹنے کی بھرپور کوشش کی۔ اپنے بچوں سے انکا تعارف کروایا ۔ کچھ لمحات حال احوال جاننے میں صرف ہوئے اور پھر الوداعی معانقہ کا وقت آگیا۔ تاہم مجھے یوں محسوس ہورہا تھا جیسے بہت ہی پیارے عزیز مجھے ائیرپورٹ رخصت کرنے آئے ہوں۔ ان دونوں بھائیوں کی محبتوں کے لیے میں ہمیشہ ممنون و شکرگذار رہوں گا۔
انشاءاللہ اگلے وزٹ پر سب بھائیوں سے ملاقات کی بھرپور کوشش ہوگی ۔ اللہ کریم ہماری اردو کی محبت بھری بزم کے سب ساتھیوں کو سلامتی و خوشحالیاں عطا فرمائے۔ بالخصوص ہماری اردو کے نیوکلیس نما شخصیت ھارون رشید بھائی کو صحت و تندرستی اور مزید مسکراہٹیں عطا فرمائے ۔ آمین

 

ویسے شہزاد ناصر انکل دو پیٹوں کے درمیان بمشکل نظر آ رہے ہیں

 

آصف بھائی کا پیٹ اتنا بھی نہیں نکلا ہوا۔

 

فیصل بھائی میں نے فوٹو میں ہوا تو نہیں بھری یار

 

انشاءاللہ ۔
پیوستہ رہ شجر سے امیدِ بہار رکھ

 

بہنا جی۔ پیٹ پاکستانی مردوں کی شان و پہچان ہے

 

فیصل بھائی آپ کہاں رہ گئے تھے؟ ڈاکٹرصاحب کے ساتھ ہی آجاتے

 

ہاں۔ لیکنDP والی فوٹو کے بعد سے کافی تبدیلیاں رونما ہوئی ہیں۔

 

بڑے بھائی۔ بات پیٹ کی ہورہی ہے۔ دیگ کی نہیں

 

شاید اسی لیے کہتے ہیں
بندہ اتنا بدصورت نہیں ہوتا جتنا شناختی کارڈ پر نظر آتا ہے
اور اتنا خوبصورت بھی نہیں ہوتا جتنا فیس بک DP پر نظر آتا ہے

 

بجا فرمایا جناب نے۔ تجربہ سے ثابت ہوا سیانوں نے سچ کہا ہے۔

 

یہ ڈاکٹر آصف حسین صاحب کی ذہانت کا کمال تھا۔ کہ محترم سید شہزاد ناصر بھی ہمارے ساتھ اندر پہنچ گئے

 

پھر ریالوں اور تحفوں کا ترونکا لگا کر انہیں پھر سے ہرا بھرا کیا ہوگا