لفظی تکرار والا شعر لکھیں

اے دوست کوئی مجھ سا رسوا نہ ہوا ہوگا
دشمن کے بھی دشمن پر ایسا نہ ہوا ہوگا

 

بے تکلّف بھی تِرا حُسنِ خُود آرا تھا کبھی
اِک ادا اور بھی تھی حُسنِ ادا سے پہلے
فراق گورکھپوری

 

اب نہ جاگیں گے راتوں کو تیری یادوں کے سہارے
ہم نے فطرت کو بدلنا ہے تیری نظروں کی طرح ۔۔

 

ٹکرایئے ہجوم سے اور جان جایئے
دیوار کون کون ہے‘ رستہ ہے کون کون

 

بھُلا بھُلا کے جتایا ہے ان کو رازِ نہاں
چھپا چھپا کے محبت کو آشکار کیا
نہ پوچھ دل کی حقیقت مگر یہ کہتے ہیں
وہ بے قرار رہے جس نے بے قرار کیا
داغ

 

سرور محفل مہتاب اب بھی زندہ ہے
خیال خاطر احباب اب بھی زندہ ہے

 

حفیظ اپنا مقدر، حفیظ اپنا نصیب
گل و گلزارسےبھی ہم نے زخم ہی کھائے

 

عالم عالم جوش و جنوں ہے‘ دنیا دنیا تہمت ہے
دریا دریا روتا ہوں‘ صحرا صحرا وحشت ہے

 

درد ہو دل میں تو دعا کیجے
دل ہی جب درد ہو تو کیا کیجے
غالب

 

مُدّت سے تو دِلوں کی مُلاقات بھی گئی
ظاہر کا پاس تھا، سو مدارات بھی گئی

پِھرتے ہیں میر خوار کوئی پُوچھتا نہیں
اِس عاشقی میں عزّتِ سادات بھی گئی

 

یاد رکھ ، خُود کو مِٹائے گا تو چھا جائے گا
عشق میں عجز مِلائے گا تو چھا جائے گا

اچھی آنکھوں کے پُجاری ھیں مرے شہر کے لوگ
تُو مرے شہر میں آئے گا تو چھا جائے گا

 

پتہ پتہ ، بُوٹابُوٹا حال ہمارا جانے ہے
جانے نہ جانے گُل ہی نہ جانے باغ توسارا جانے ہے(یہ شعرمیرتقی میرکی فکرِخاص کا نتیجہ ہے ۔شاعرانہ خوبی اِس کی تکرارِ لفظی ہی ہے ،جب ایک لفظ ایک سے زائد بار آئے تو ایک خاص صنعت بن جاتی ہے جسے صنعتِ تکرار کہتے ہیں۔اِس شعر میں یہ صنعت بڑی خوبی اور ہنرمندی سے برتی گئی ہے )

 

تنگ آ چکے ہیں کشمکشِ زندگی سے ہم
ٹھکرا نہ دیں جہاں کو کہیں‌ بے دلی سے ہم

 

نظام الدین صاحب ! یہ الفاظ جنھیں آپ نے خاص رنگ سے نمایاں کیا ہے ،تکرار لفظی میں نہیں بلکہ غزل کا مطلع ظاہر کرنے کے لیے دونوں مصرعوں میں ردیف کے بطورشمارکیے جائیں گے ۔چلیے اِس بہانے آپ نے ساحر لدھیانوی صاحب کی یاد،لتاجی کی آواز اورگرودت جی کا اندازذہن میں تازہ کردیا۔فلم پیاساکے لیے اِس غزل کو موسیقی سے سجایاتھا این ۔دِتہ نے ،وہ بھی یادآگئےاور ساتھ ہی ۔۔۔۔۔۔۔۔۔۔۔۔یاد آگئیں وہ نشیلی نگاہیں ۔۔۔۔۔۔۔(کہ بے اِختیاردل مددکےلیے پکارا)۔۔۔۔۔۔۔۔۔۔۔۔۔۔۔۔۔یارو!تھام لینا۔۔۔۔۔۔۔۔۔۔۔۔۔۔تھام لینا،کہیں گرنہ جائیں

 

وہاں وہاں سے حقیقت کھلے گی منظر کی
جہاں جہاں سے عدو ترجماں بدلتے ہیں

 

عہدِ جوانی رورو کاٹا پیری میں لیں آنکھیں موند
یعنی رات بہت تھے جاگے،صبح ہوئی آرام کیا۔۔۔۔۔۔۔۔۔۔۔۔میرتقی میر

 

اِس اَدا سے وہ جفا کرتے ہیں
کوئی جانے کہ وَفا کرتے ہیں
حُسن کا حق نہیں رہتا باقی
ہر اَدا میں وہ اَدا کرتے ہیں
داغ

 

رُلارُلاکے ہمیں اشک بار کرتی ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔تمھاری یاد بہت بے قرار کرتی ہے

 

یہ داغ داغ اُجالا، یہ شب گزیدہ سحر۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔وہ انتظار تھا جس کا ، یہ وہ سحرتو نہیں

 

روش روش پہ ہیں نکہت فشاں گُلاب کے پھول
حسیں گلاب کے پھول، ارغواں گُلاب کے پھول
مجید امجد

 

بلا کے شوخ ہیں، بے طرح کام کرتے ہیں
نظر مِلاتے ہی قصّہ تمام کرتے ہیں

اُٹھو اُٹھو درِ دولت سے عاشقو! اُٹّھو
چلو چلو کہ وہ دیدارعام کرتے ہیں

 

عشق ہی سعی مری، عشق ہی حاصل میرا
یہی منزل ہے، یہی جادہء منزل میرا

 

غیر کی محفل میں مجھ کو مثلِ شمع
آٹھ آٹھ آنسو رلایا آپ نے
داغ

 

کئی دن سُلوک وداع کا‘ مرے درپے دل زار تھا
کبھو درد تھا‘ کبھو داغ تھا‘ کبھو زخم تھا‘ کبھو وار تھا

 

ہمدم کیلۓ ہم دم سے گٰۓ ہمدم نہ ملا ہمدم کی قسم
مرہم کیلۓ مرہم گٔے مرہم نہ ملا مرہم کی قسم

 

جلے جاتے ہیں بڑھ بڑھ کر مٹے جاتے ہیں گر گر کر
حضورِ شمع پروانوں کی نادانی نہیں جاتی
جگر مراد آبادی

 

تجھے کیا خبر میرے ہمسفر ، میں بکھر گیا کدھر کدھر
جو ہوسکے مجھے پھر بنا ، میری ساری راکھ سمیٹ کر

 

ہوتے رہے لمحہ بہ لمحہ تہہ و بالا
وہ زینہ بہ زینہ بڑے آرام سے اترے
فراز

 

گر ملوں میں کف افسوس تو ہنستا ہے وہ شوخ
ہاتھ میں ہاتھ کسی شخص کے دے کر اپنا

 

لحظہ بہ لحظہ، دم بہ دم، جلوہ بہ جلوہ آئے جا
تشنۂ حسنِ ذات ہوں، تشنہ لبی بڑھائے جا
جگر مراد آبادی