اراکین کے نام ایک شعر

سفر زیست میں اُس کے ساتھ کی خاطر.........
اُن منزلوں کو بھی چھوڑا ہے جو میرا مُقدر تھیں

دُعا

 

لطف تو جب تھا کہ ہم تو دیکھتے ان کا جمال
اور ہماری بے خودی کا وہ تماشا دیکھتے
سید انور محمود

 

لب کھولے پری زاد نے آہستہ سے ثروت
جوں گفتگو کرتا ہے ستارے سے ستارا
مسکان غنی

 

موسم ، خوشبو ، بادِ صبا ، چاند ، شفق اور تاروں میں
کون تمہارے جیسا ہے ، وقت ملا تو سوچیں گے
ملک بلال

 

ڈھانپے جو کوئی نفرتوں کے برہنہ وجود کو،
ایسی تو کوئی پیار کی چادر تلاش کر!!!
مخلص انسان

 

اگر تمھاری انا ہی کا ہے سوال تو پھر
چلو میں ہاتھ بڑھاتا ہوں دوستی کے لئے

ابو تیمور

 

تو نہیں تو تیرا خیال سہی
کوئی تو ہم خیال ہے میرا
عبدالمطلب بھائی

 

یاد ہے اب بھی اے میاں مخلص
کہ تمھیں آنکھ سے بلاتے تھے
مفلسی کا کبھی گلہ نہ کیا
مخلصی سے ہی دل لگاتے تھے
مخلص انسان

 

کیا جو تم نے اپنے دل سے پوچھو
ہمارا اعتبار آئے نہ آئے
عبدالمطلب

 

مری حیات کے سارے سفر پہ بھاری ہے
وہ ایک پل جو تری چشمِ اعتبار میں ہے
ھارون رشید

 

دور مجھ سے رہتے ہیں سارے غم زمانے کے
تیری یاد کی خوشبو دل میں جب ٹھہرتی ہے
نظام الدین بھائی

 

سید شہزاد ناصر
جس کو رہنا ہے رہے قیدئ زنداں ہو کر
ہم تو اے ہم نفسو! پھاند کے دیوار چلے

 

ملک بلال
دیوانے کو تکتی ہیں ترے شہر کی گلیاں
نکلا تو ادھر لوٹ کے بدنام نہ آیا

 

الکرم
کبیرا تیری جگت میں الٹی دیکھی رِیت
پاپی بیٹھا راج کرے سادھو مانگے بھیک

 

ہماری اردو کی نذر
ہے تبسم ہمارے لب پہ ابھی
ہم کہاں زندگی سے ہارے ہیں

 

ملک بلال
سنبھال رکھنا گریبانِ تار تار مِرا
شکستگاں! یہ مِرا آخری تبرّک ہے

 

ملک بلال
کس طرح کہیں تجھ سے
تیرے روٹھ جانے سے
ہم دکھوں کے ماروں پر
دو ٹکے کے لوگوں نے
انگلیاں اٹھائی ہیں

 

کیوں سر جی کے ساتھ 9-2-11 ہوئی ہے؟

 

بے سمجھ ہی رہتے تو ٹھیک تھا
اُلجھنیں بڑھ گئی ہیں جب سے سمجھ دار ہوئے ہیں۔۔۔
دُعا
یہ مجھ پر ہی سیٹ ہے

 

بہت سے آئیں گے تمہاری زندگی میں دلچسپ لوگ
پر بھول نہ پاؤ گے ہمارے ساتھ گزرے دو پل۔۔۔
غوری بھائی کے نام۔۔ ہم سب اراکین کی طرف سے۔۔

 

رمضان میں جن کے پاس سحری و افطاری کیلئے کچھ نہیں ہوتا، ان کا ترجمان شعر
مِرے کریم! جو تیری رضا، مگر اس بار
برس گزر گئے شاخوں کو بے ثمر رہتے

 

خود کیلئے
مجھ سے مت پوچھ کہ احساس کی حِدّت کیا تھی
دھوپ ایسی تھی کہ سائے کو بھی جلتے دیکھا