احمد فراز صاحب کی مشہورغزل

رنجش ہی سہی دل ہی دکھانے کے لیۓ آ
آپھرسے مجھے چھوڑ کے جانے کے لیۓ آ
کچھ تو میرے پندارمحبت کا بھرم رکھ
تو بھی تو کبھی مجھ کو منانے کے لیۓ آ
پہلے سے مراسم نہ سہی پھربھی کبھی تو
رسم ورہ دنیاہی نبھانے کے لیۓ آ
کس کس کو بتائیں گے جدائ کا سبب ہم
تو مجھ سے خفا ہے تو زمانے کے لیۓ آ
اک عمر سے ہوں لذت گریہ سے بھی محروم
اے راحت جاں مجھ کو رلانے کے لیۓ آ
اب تک دل خوش فہم کو تجھ سے ہیں امیدیں
یہ آخری شمعیں بھی بجھانے کے لیۓ

 

چاہے خوابوں میں ہی وہ مُجھ کو سَتانے آۓ
اَرے آۓ تو سَہی دِل ہی جَلانے آۓ

میری خاطِر نہیں آتا تو نہ آۓ لیکن
اپنے وعدوں کو تو سَچ کَر کے دِکھانے آۓ

وہ جو رُوٹھے تو مَیں گھر اُس کو مَنانے جاؤں
اپنی باری پہ نہ وہ مُجھ کو مَنانے آۓ

ایسا لَگتا ہے مُجھے مِلنے کو آۓ گا ضرور
رات سوتے میں مُجھے خواب سُہانے آۓ

مَیں نَفاسَت سے محبت کو نِبھاتا جو رہا
میری قِسمَت میں جُدائ کے خَزانے آۓ

اُس کا یہ فعل مِری عُمر بَڑھا دیتا ہے
مُجھے اِک بار وہ پِھر چھوڑ کے جانے آۓ

مُجھ سے دیکھا نہیں جاۓ گا وہ رونا اُس کا
قَبر میری پہ نہ وہ پُھول چَڑھانے آۓ

عُمر بِیتی میری تَنہائ سے لَڑتے باقرؔ
لَوٹ کر پِھر نہ محبت کے زَمانے آۓ

مُــــــــــــــــرید بــــــــــــــــاقرؔ انصــــــــــــــــاری

 

واہ کیابات ھے!!!!!
زندہ باد زندہ باد باقر بھائی