تم کیوں پوچھو؟

تم کہتے ہو
"وہ " پوچھے گا

"کتنی نمازیں پڑھیں تھیں کتنے روزے رکھے ؟"
اس کے علاوہ بھی کچھ باتیں تم کہتے ہو

"ایسا ہوگا، اتنا ہوگا، یوں یوں ہوگا "
جب سب کچھ معلوم ہے تو پھر ڈرتے کیوں ہو؟

پڑھو نمازیں!
رکھو روزے!

یہ جو سب کچھ تم کہتے ہو، اس کی مرضی پر ہے سارا
چاہے پوچھ لے یا نا پوچھے

اس کی نماز ہے، اس کا روزہ
وہ تو حشر میں پوچھے گا پر تم تو اسی زمیں پر مجھ سے

پوچھ رہے ہو۔۔۔!
کتنی نمازیں پڑھیں ہیں کتنے روزے رکھے؟

تم کوئی رب ہو؟
تم نے صلاتہ کا حکم دیا تھا؟

روزے تم نے فرض کئے تھے؟
جو تم پوچھو؟

وہ پوچھے تو جم جم پوچھے
تم کیوں پوچھو؟

لیکن ٹھہرو!
دیوانے سے پوچھ ہی بیٹھے ہو تو ٹھہرو!

اصل سوال کی بھکشا لے لو۔۔۔!
وہ جو اصل سوال ہے

یہ ہے
وہ پوچھے گا

"میں نے تم کو زندگی دی تھی"
کیسے 'جی' تھی

 

علم العروض اور اردو شاعری کی بحر وں پہ لکھی ہوئی کوئی کتاب کا نام بتا دیجئے
میں آپ سب کا نیاز مند رہوںگا