محمد کاشف اختر صاحب کا تعارف

1۔۔۔۔میرا نام محمد کاشف اختر۔ یہ نام میرے نانا جان مرحوم نے تجویز کیا تھا ۔۔۔۔ غفر اللہ لہ

2۔۔۔۔۔میری عمر 22 سال ہے

3۔۔۔۔۔میری تعلیم بہت مختصر ہے ۔۔انگلش میڈیم اسکول سے 6 کلاس پاس کی پھر حفظ قرآن مجید کے لیے مدرسے میں داخل کیا گیا ۔۔۔۔اور حفظ کی تکمیل کی ۔۔۔۔۔یہاں تک کی تعلیم کا سبب والدین کی مسلسل سخت نگرانی ہے ۔۔ اس کے بعد ایک سال فارسی پڑھ کر عربی درجات کی تکمیل کی ۔۔۔۔۔سال سوم میں مولانا ولی اللہ ولی قاسمی بستوی کی رفاقت میسر ہوئی ۔حضرت کے شاعرانہ ذوق نے مجھے بے حد متاثر کیا ۔۔ اور اردو ادب کا دلدادہ بنا دیا ۔ ادب کی ترویج و ترقی کے لئے میں اپنی کم علمی اور بے بضاعتی سے کچھ کر نہیں سکتا تاہم میرے دل میں راہ ادب کیلئے چراغ لہو جلانے کا حوصلہ موجود ہے اور مرور ایام کے ساتھ پروان چڑھ رہا ہے ۔۔ اس لئے کہ فکر و نظر کا اجالا اس کے بغیر حاصل نہیں ہو سکتا ۔۔۔۔۔


بقول نذیر فتح پوری

اجالا فکر و نظر کا اسی نے پایا ہے
ادب کی راہ میں جس نے لہو جلایا ہے



میں نے تعلیم ( گو وہ کتنی ہی کم ہو ) حاصل کرنے کو اس لئے ضروری سمجھا کہ " انسان کی شخصیت تعلیم کے بغیر بالکل ناقص ہوتی ہے ۔۔۔ تعلیم کے بغیر خود شناسی اور خدا شناسی کا جوہر پیدا نہیں ہوتا ۔۔ تعلیم سے جہاں اک طرف خود انسان کی شخصیت کی تعمیر وابستہ ہے وہیں یہ انسان کے اندر خدا کی معرفت بھی پیدا کرتی اور اس طرح انسان خود شناسی اور خدا شناسی کے جوہر سے آشنا ہو کر عروج و ترقی کی اعلی ترین منازل طے کر لیتا ہے ۔۔۔ اگر تعلیم سے محروم ہو تو زوال و تنزلی کی تاریک وادیوں میں سرگرداں رہتا ہے ۔۔۔۔


4۔۔۔ میرے مشاغل کی فہرست بھی بڑی مختصر ہے ۔۔
بیشتر اوقات تو نیند کی نذر ہو جاتے ہیں ۔۔۔ جو بچ جاتے ہیں وہ دکان ،نماز، تلاوت ،مطالعہ اور کبھی کبھی کچھ لکھنے میں لگ جاتے ہیں ۔۔۔۔

5۔۔۔۔ پیشہ تجارت ہے ۔۔۔اپنی ایک دکان ہے الیکٹرک وائرنگ کے سامان کی ۔۔۔۔



6۔۔۔۔مستقبل کے عزائم میں کوئی بات قابل ذکر نہیں ہے سوائے اس کے کہ مجھے کچھ ذوق علم کا عنایت ہوا ہے ۔۔۔اس لئے میں اپنی غباوت اور کند ذہنی کے باوجود حتی الوسع کتب بینی میں مصروف رہتا ہوں ۔۔۔میرا عزم یہ کہ میں کسی طرح اپنا ایک کتب خانہ تیار کر لوں ۔۔۔باقی عزائم تو پھر بنتے ہی رہیں گے

 

فورم بہت اچھا لگا۔۔۔۔ اتنا زیادہ کہ بیان نہیں کر سکتا ۔۔۔۔میں نے اس کی وجہ سے دیگر سائٹس کو ترک کردیا ہے ۔۔اب مجھے ان سائٹس سے کوئی خاص دلچسپی نہیں ۔۔۔۔۔۔جیسے فیس بُک واٹس اپ گوگل پلس وغیرہ


فورم کا تعارف اس طرح ہوا کہ میں نے گوگل کروم سے کچھ سرچ کیا تھا ۔۔۔۔اردو میں لکھ کر ۔۔۔۔اب یاد نہیں کیا سرچ کیا تھا ۔۔۔۔۔تو وہیں میری ملاقات فورم سے ہوگئی ۔۔ا

 

ایک بات خاص طور پر قابل ذکر ہے! وہ یہ کہ " میں اس فورم میں بحیثیت طالب علم شامل ہوا ہوں ۔۔۔دوسری بات یہ کہ مجھے اردو لکھنے کا بہت شوق ہے ۔۔اور شاعری کا بھی ۔۔۔۔لیکن میں اردو کے تعلق سے احساس کمتری کا شکار ہوں ۔۔۔۔ہمیشہ تذبذب میں پڑا رہتا ہوں کہ پتہ نہیں میری تحریر میں کیا کیا کمیاں ہیں ۔۔۔کہیں لوگ اسے پڑھ کر میرا مذاق تو نہیں اڑائیں گے ۔۔۔ اس لئے اگر کسی غلطی پر مطلع ہوں تو مجھے ضرور بتائیں ۔۔۔۔

 

ذرہ نوازی کا شکریہ! ! بی شک یہ آپ کی وسعت ظرفی ہے

 

شکریہ! لاگن کرنے میں کئی پریشانیوں کا سامنا کرنا پڑا کئی بار کوشش کی ناکامی ہوئی! اس لئے جواب میں تاخیر ہوگئ! معذرت قبول فرمائیں؟؟

 

شکریہ

 

شکریہ