نازاں ہے جن پہ جنت سرکارﷺ آ رہے ہیں ۔ اشعرنورانی پوکھری

نازاں ہے جن پہ جنت سرکارﷺ آ رہے ہیں
ہر شےء پہ ہے مسرت سرکارﷺآ رہے ہیں

آؤ دوانے جھومو دنیا کو یہ بتادو
لے کر خدا کی رحمت سرکارﷺ آ رہے ہیں

بی آمنہ کے گھرمیں حوروملک بھی آئے
دینے یہ بس بشارت سرکارﷺ آ رہے ہیں

رب العلٰی نے بیشک قرآن میں کہا ہے
اب خاتم نبوت سرکارﷺ آ رہے ہیں

جو ہو چکا جو ہوگا سب کچھ ہمیں بتانے
بن کر تمام حجت سرکارﷺ آ رہے ہیں

محشرکےروز امت یہ وجد میں کہےگی
چھٹنے لگی تمازت سرکارﷺ آ رہے ہیں

فضل خدا سے دیکھولےکر وہ ساتھ اپنے
اب مژدہء شفاعت سرکارﷺ آ رہے ہیں

ماہ ربیع الاول لو آ گیا ہے اشعر
چھائے گی ہرسو طلعت سرکارﷺ آ رہے ہیں
----
فکروقلم اشعرنورانی پوکھری کلاں جھارکھنڈ
رمزِنعت پہلاآن لائن فی البدیہہ طرحی نعتیہ مشاعرہ 10 نومبر 2019​

 

رب العلٰی نے بیشک قرآن میں کہا ہے
اب خاتم نبوت سرکارﷺ آ رہے ہیں
​

 

فضل خدا سے دیکھولےکر وہ ساتھ اپنے
اب مژدہء شفاعت سرکارﷺ آ رہے ہیں​

 

ماہ ربیع الاول لو آ گیا ہے اشعر
چھائے گی ہرسو طلعت سرکارﷺ آ رہے ہیں​

 

سبحان اللہ - جزاک اللہ

 

اللہ تعالٰی آپ کو بھی جزائے خیر عطا کرے آمین