لفظ “آئینہ“ پر شعر کہیں

آئیے ۔ اس لڑی میں ہم لفظ “آئینہ“ پر شعر لکھیں۔ یعنی کوئی ایسا شعر جس میں “آئینہ“ کا ذکر ضرور آئے۔ میں آغاز کرتا ہوں۔

تو بچا بچا کے نہ رکھ اسے ترا آئینہ ہے وہ آئینہ
کہ شکستہ ہو تو عزیزتر ہے نگاہِ آئینہ ساز میں

(حضرت علامہ محمد اقبال )

 

ہے آج یہ اس قوم کا آئینہ احوال
جس قوم کا اقبال ہے تاریخ کا اقبال

جس قوم نے بخشے ہیں زمانے کو خط و خال
ہے جس کا لہو غازہ رخسار مہ و سال


جس قوم نے انسان کی عظمت کو ابھارا
چمکایا زمانے کے مقدّر کا ستارا

 

دل کے آئینے میں ہے تصویرِ یار
جب ذرا گردن جھکائی دیکھ لی

 

اس چہرہ روشن پہ جو آجائے سیاہی
ہر صبح قیامت ہے تو ہر شام تباہی

دھندلاتا ہے اس طرح سے آئینہ افکار
آتی ہے نظر اور ہی کچھ صورت کردار

ہو عدل میسر تو ہے ہر شخص فدائی
بے سود ہے ورنہ وطنیت کی دہائی

 

بہت خوب کاشفی بھائی ۔ بہت اچھے اشعار ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میرا جسم آئینہ خانہ ٹھہرے
میری جانب کبھی دیکھے تو سہی

 

دھندلا گیا ہے ایسے میرا آئینہء ذات
جہاں بھرکےدکھوں‌سےاَٹا ہے چہرہ میرا

 

خدا کسی کو یوں‌بھی کمال دیتا ہے
جو آئینے کو بھی حیرت میں‌ڈال دیتا ہے
برائے نام بھی جس کو وفا نہیں‌ آتی
وہ دوسروں کو وفا کی مثال دیتا ہے

 

جلوہ از بسکہ تقاضائے نگہ کرتا ہے
جوہرِ آئینہ بھی چاہے ہے مژگاں ہونا

 

آئینوں میں عکس نہ ہوں تو حیرت رہتی ہے
جیسے خالی آنکھوں‌میں بھی وحشت رہتی ہے
(امجد)

 

ان کا یا اپنا تماشہ دیکھو
جودکھاتا ہے زمانہ دیکھو
رنگ اڑتے ہیں تبسم کی طرح
آئینہ خانوں کا دعویٰ دیکھو

 

میں جو بھی آئینہ دیکھوں تمہی نظر آؤ
اب اپنے آپ سے نظریں چُرائے بیٹھا ہوں

 

وسعتوں کا ہو گا اندازہ تمہیں
آئینہ خانے سے تو نکلا کرو

 

ہر حسیں چہرے کے آئینے میں‌تم ملتے ہو
کیسے ممکن ہے نظر تم سے چرائے رکھنا

 

میرا جسم آئینہ خانہ ٹھہرے
میری جانب کبھی دیکھے تو سہی
محسن نقوی

 

اب کسی عکس پہ بھی مجھ کو بھروسا نہ رہا
ایسا دھندلایا ہے آئینہء خاطر میرا

 

بہ رنگِ کاغذِ آتش زدہ نیرنگِ بے تابی
ہزار آئینہ دل باندھے ہے بالِ یک تپیدن پر
(غالب)

 

میں خیال ہوں کسی اور کا
مجھے سوچتا کوئی اور ھے
سرِ آئینہ میرا عکس ھے
پسِ آئینہ کوئی اور ھے​

 

حیرتِ آغاز و انتہا کیا ہے
آئینے کے گھر میں اور کیا ہے؟

(اقبال )

 

عام حریت کا جو دیکھا تھا خواب اسلام نے
اے مسلماں آج تو اس خواب کی تعبیر دیکھ !

اپنی خاکستر سمندر کو ہے سامانِ وجود
مر کے پھر ہوتا ہے پیدا یہ جہانِ پیر، دیکھ !

کھول کر آنکھیں مرے آئینۂ گفتار میں
آنے والے دور کی دھندلی سی اک تصویر دیکھ!​

 

گم ہوئے وہ آشنا چہروں کے آئینے کہاں؟
شہر ہے سارے کا سارا دھند میں لپٹا ہوا

 

کِتنی یادیں، کِتنے منظر آبدیدہ ہوگئے
جب بھی تنہا آئینہ دیکھا، وہ یاد آیا بہت

سرور بارہ بنکوی

 

اس بے وفا کی یاد دلاتا تھا بار بار
کل آئینے پہ ھاتھ اٹھانا پڑا مجھے

 

جلوہ از بسکہ تقاضائے نگہ کرتا ہے
جوہرِ آئینہ بھی چاہے ہے مژگاں ہونا

غالب

 

اتنا نازک آئینہ رکھنا ضروری تو نہیں
ٹوٹتا رہتا ھے دل تو دل بدل لر دیکھ لو

 

آئینے کے سو ٹکڑے کر کے ہم نے دیکھے ہیں
ایک میں بھی تنہا تھے سو میں بھی اکیلے ہیں

 

اپنے ہاتھوں کی خراشوں سے پریشان نہ ہو
سیکھتے سیکھتے آئینہ گری آتی ہے

نوید صادق​