خشک مصالحہ ڈرم سٹکس

خشک مصالحہ ڈرم سٹکس

اجزاء:چکن ڈرم سٹکس چھ عدد،کڑی پتے چھ عدد،سرسوں کا تیل ایک کھانے کا چمچ (مصالحہ بنانے کے اجزاء)کٹی لال مرچ چھ عدد،سوکھی لال مرچ چھ عدد، ثابت کالی مرچ ایک عدد،ہری مرچیں چار عدد،لہسن ایک گٹھی،ادرک ایک ٹکڑا، لیمو ں کا رس چار کھانے کے چمچ،ہرا دھنیا ایک گٹھی،رائی ایک چائے کا چمچ،زیرہ ایک چائے کا چمچ،چاٹ مصالحہ ایک چائے کا چمچ،پیاز دو عدد،ہلدی ایک چائے کا چمچ،نمک ایک چائے کا چمچ

ترکیب:بلینڈر میں مصالحہ بنانے کے تمام اجزاء شامل کر کے بلینڈ کر لیں اور رکھ دیں۔اب ایک پین میں سرسوں کا تیل گرم کر کے کڑی پتے شامل کر لیں،پھر اس میں تیار کیا ہوا مصالحہ ڈال دیں۔اس کے بعد چکن ڈرم سٹکس پر گہرے کٹ لگائیں۔اب ڈرم سٹکس کو مصالحے میں میری نیٹ کر لیں،پھر میری نیٹ کی ہوئی چکن سٹکس کو کڑاہی میں تیل گرم کر کے دھیمی آنچ پر ڈھک کر پکائیں،تھوڑی دیر بعد انہیں پلٹ کر دوسری طرف سے پکائیں اور سرو کریں۔​