حضرت فقیر پروفیسر باغ حسین کمال رحمتہ اللہ علیہ

سلسلہ اویسیہ کمالیہ دے بانی حضرت فقیر پروفیسر باغ حسین کمال المعروف حضرت جی پاکستان دے مردم خیز حطہ ضلع چکوال دے اک معروف موضع پنوال دے اک دین پرور گھرانے اچ پیدا ہویے۔ آپ دا اصل نام باغ حسین سی تے کمال آپ دا تخلص سی۔ ایہناں دی کجھ شاعری پیش خدمت اے۔ جیہڑی ایہناں دی کتاب ""حال سفر از فرش تا عرش"" وچوں لئی گئی اے۔

اللہ​

ہکا ذات اے ذات صفاتوں، ہکا ہک ہکلا ۔۔۔۔۔۔۔۔۔۔۔۔۔۔۔۔۔ اللہ
ہکا ذات اے جس وچ پاوے ہور نہ کوئی رلا ۔۔۔۔۔۔۔۔۔۔۔ اللہ
ہکا ذات اے جس دے ذکروں دل نوں ہگ تسلا ۔۔۔۔۔۔۔ اللہ
ہکا ذات اے جس دے نوروں ہر شے نور تجلی ۔۔۔۔۔۔۔۔۔ اللہ
ہکا ذات اے جس دی نظروں دسدا عرش معلی ۔۔۔۔۔۔۔۔ اللہ
ہکا ذات اے جس دے کرموں ہووے کم سولا ۔۔۔۔۔۔۔ اللہ
ہکا ذات اے جس دے فضلوں دونہیں جہانیں‌بھلا ۔۔ اللہ
ہکا ذات اے جس دی حبوں دل وچ پئے تھرتھلا۔۔۔۔۔۔ اللہ
ہکا ذات اے جس دے نپئے پکا پیڈا پلا ۔۔۔۔۔۔۔۔۔۔۔۔۔۔ اللہ
باغ کمالا! جپ ہر ویلے، بن نہ اڑیا جھلا ۔۔۔۔۔۔۔۔۔۔۔۔۔۔۔ اللہ

 

جواب: حضرت فقیر پروفیسر باغ حسین کمال رحمتہ اللہ علیہ

محمد صل اللہ علیہ وسلم

نوری کاغذ، نور سیاہی، نوری قلم بناواں
بسم اللہ بسم اللہ کر کے لکھاں محمد نانواں

تیرے فرشوں بوہتی نیویاں عرشاں دی اچیائیاں
کس پیمانے نال میں تیریاں شاناں ناپ وکھاونواں

توں نقطہ تے سبھ مخلوقاں تیرے گرد ای دائرہ
دونہاں جہاناں دی تحریر دا توں ای ایں سرنانواں

سڑدیاں بلدیاں تھلاں چ جیہڑے تڑفن لوک نمانے
اوہناں واسطے ای نیں تیریاں ٹھنڈیاں‌ مٹھیاں چھانواں

توں سائیں کونین دا والی، میں‌ ہاں ہک سوالی
تیرے ہتھیں رحمت دولت، میرے ہتھ دعاواں

تیری رحمت بن جاندی اے مینوں آس سہارا
انھ ہنیر گناہواں پاروں جد وی میں گھبراواں

نام اللہ دا ، نام محمد ہر ساہ دے وچ جپناں
ہر ویلے ہر تھاں دے اتے انج میں‌ یاد منانواں

ہیرے ، موتی، لعل، جواہر بولی دے وچ لگے
اپنی اٹی دا اج یارو! میں وی تے مل پاواں

باغ کمالا! بس کر مت کوئی راز دی گل کر جائیں
نوری تاراں لشکن لگیاں، جھلیاں خوشبو واواں

 

جواب: حضرت فقیر پروفیسر باغ حسین کمال رحمتہ اللہ علیہ

حسین رضی اللہ عنہ

دل میرا اے غم سمندر، اکھ اے اتھرو مالا
چیتے آیا اے اج مینوں واقعہ کربل والا

سیس کٹائونا، کنبہ کہائونا واہ واہ ریت بنائی
لٹ لٹا کے دنیا تائیں دتا درس نرالا

شاہ دے لہو نال سجی ریت چوں نور مشالاں بلیاں
سچ دا متھا لاٹاں مارے جوٹھ دا اے منہ کالا

کیہہ کراں جے تیری میں تعریف وچارا
میرا تھانواں بہتا ای نیواں، تیرا رتبہ بالا

رکھ مثال حسینی ساہمنے سر دی بازی لائیے
حق سچ دا تاں جھنڈا چایئے، باغ حسین کمالا

 

جواب: حضرت فقیر پروفیسر باغ حسین کمال رحمتہ اللہ علیہ

کافی

سوہنا میڈا ماہی نی اڑیو
سوہنا میڈا ماہی

اوہدے عشق دی پے گئی جیویں
میرے گل وچ پھاہی

کھلی کھلوتی چھڈ کے مینوں
ٹر گیا کدھر راہی

نس نس نسی، لبھ لبھ تھکی
جنگل ، جوہ سب گاہی

آہاں تے کرلاٹاں جیویں
میری قسمت آہی

 

جواب: حضرت فقیر پروفیسر باغ حسین کمال رحمتہ اللہ علیہ

کافی

رو نی اڑیے رو
دل دا دامن میلا ہویا
ہنجواں دے نال دھو

چونہاں پاسے نھیر منھیرا
لبھ نی کدھروں لو

رنگ برنگ محبتاں‌ چھڈ کے
ہکو ہک دی ہو

 

جواب: حضرت فقیر پروفیسر باغ حسین کمال رحمتہ اللہ علیہ

کافی

ساجن دے ہتھ ڈور اساڈی
میں ساجن دی گڈی

ساجن مینوں اڈ اڈایا
میں عرشاں تے اڈی

عشق دی کھیڈ چ میں تے سیئو
پہلے پور ای پگی

لوکی محل ای لبھدے رہ گئے
میں تے لبھ لئی جھگی

دل دے شیشے اتوں لاہ لے
دنیا والی الی

دنیا دی دلدل وچ پھس کے
نی سکھئیی توں بھلی

 

جواب: حضرت فقیر پروفیسر باغ حسین کمال رحمتہ اللہ علیہ

عرضی

توں عرشی
تے میں آن فرشی
اڈاں ، اڈ نہ سکاں

نیویاں تھانواں اتے کھلتا
تھلیوں بٹ بٹ تکاں

لہو دے اندروں ہملاں مکیاں
اکھیوں تھک گئی لو

میں تے اچا ہو نئیں سکدا
توں ای نیواں‌ ہو

 

جواب: حضرت فقیر پروفیسر باغ حسین کمال رحمتہ اللہ علیہ

بلاوا

توں خالق تے میں مخلوق
میں عاشق تے توں معشوق
تیرے میرے چ لکھ پواڑا
دھرتی توں عرشاں دا پاڑا
پر ایہہ شیشہ ۔۔۔۔ میرا دل
جس وچ توں تے تیری خدائی
سبھ سمائی
لا نہ ایویں ڈھل
آ ہن مینوں مل

 

جواب: حضرت فقیر پروفیسر باغ حسین کمال رحمتہ اللہ علیہ

دل

اچ اچیری، وڈ وڈیری
اکو تیری ذات

سبھ شیواں نیں تیری صفتوں
ہر وچ تیری جھات

پر اس دل دی شان اے وکھری
جس وچ تیری گھات

 

جواب: حضرت فقیر پروفیسر باغ حسین کمال رحمتہ اللہ علیہ

ذکر

چونہاں پاسے کھنڈیا جاپن
لوواں تے خوشبوواں
ساہ دی تند وچ جد وی تیرے
نام دے پھل پروواں

 

جواب: حضرت فقیر پروفیسر باغ حسین کمال رحمتہ اللہ علیہ

دعا

ربا! میرے دل نوں بخشیں
عملاں‌ دی اوہ لو
چونہاں پاسے جس چوں کھنڈے
نیکی دی خوشبو

 

جواب: حضرت فقیر پروفیسر باغ حسین کمال رحمتہ اللہ علیہ

واہ جی واہ بلال صاحب بہت عمدہ شیئرنگ کیتی جے جزاک اللہ

 

جواب: حضرت فقیر پروفیسر باغ حسین کمال رحمتہ اللہ علیہ

مترو، مان ودھان دا شکریہ

 

جواب: حضرت فقیر پروفیسر باغ حسین کمال رحمتہ اللہ علیہ

خوشی تہاڈا شکریہ، کوشش کراں گے مزید شئیرنگ کرن دی

 

جواب: حضرت فقیر پروفیسر باغ حسین کمال رحمتہ اللہ علیہ

بلال ! بہت ودھیا تے خوبصورت کلام اے ، امید اے مزید کلام وی پڑھن نو ملے گا ۔

 

جواب: حضرت فقیر پروفیسر باغ حسین کمال رحمتہ اللہ علیہ

واہ یار واہ؛ بِلال جی کمال دی شے لیاندی جے۔تصوّف ہی تصوّف
حضرت فقیر پروفیسر باغ حسین کمال رحمتہ اللہ علیہ ہوری اپنے نام وانگوں
آپ وی کمال تے کلام وی کمال۔ کمال کمال تے کمال!
شالا ہسدے وسدے رہوو ؛

 

جواب: حضرت فقیر پروفیسر باغ حسین کمال رحمتہ اللہ علیہ

واہ جی واہ دل خوش ہوگیا

 

جواب: حضرت فقیر پروفیسر باغ حسین کمال رحمتہ اللہ علیہ

السلام وعلیکم
ملک صاحب کی گل اے ،کلام وی کمال،لکھن والا وی کمال،تے ساڈے تک پہنچان والے نے وی کمال کر دتا، ودیا تے اعلی ملک صاحب ۔۔۔۔۔۔۔اللہ پاک تہانوں اپنٹری خاص رحمت توں نوازے۔۔۔۔۔آمین[blink]

کوڈ:

[color="green"][b][/b][/color]

[/blink]