بسا قلب و نظر میں ہے خیالِ گنبدِ خضریٰ ۔ نعیم رضا قادری کا نیا ہدیہ نعت

اللھم صل علیٰ سیدنا و مولانا محمد وعلیٰ آلہِ وصحبہ وبارک وسلم

بسا قلب و نظر میں ہے خیالِ گنبدِ خضریٰ
میری سوچوں کا محور ہے جمالِ گنبدِ خضریٰ

بڑی پرواز ہے مانا تری اے طائرِ سدرہ
مگر تو بھی نہ چھو پائے کمالِ گنبدِ خضریٰ​

شبِ معراج کے اسرار سے جو معرفت پائے
وہی اہلِ نظر جانے ہے حالِ گنبدِ خضریٰ

جہاں بھر کے نظاروں سےمٹی نہ تَشنگی اپنی
میری آنکھوں کی حسرت ہےوصالِ گنبدِ خضریٰ ​

بہاریں دیکھ کر ارض و سما کی دل یہی بولے
نہیں کونین میں کچھ بھی مثالِ گنبدِ خضریٰ

ہماری شامتِ اعمال لے ہی ڈوبتی ہم کو
مگر ہم کو بچا لیتی ہے ڈھالِ گنبدِ خضریٰ
​

جو ڈھالوں منظرِجنت کو میں عکسِ تخیل پر
تصورمیں ہیں بنتے خد و خالِ گنبدِ خضریٰ

عجب دیوانگی دیکھی رضا ؔ کی یوم محشر میں
کیےجائےہےرضواں سےسوالِ گنبدِ خضریٰ​

ہدیہ کلام : نعیم رضا قادری۔ 8نومبر2017۔بدھ

​

 

بہت خوبصورت ہدیہ جزاک اللہ خیراً

 

شکریہ بہت بہت

 

شکریہ بہت بہت

 

شکریہ پیارے بھائی

 

جزاک اللہ