آئین سے بالا ترکام پر آنکھیں بند نہیں کر سکتے: فردوس عاشق

آئین سے بالا ترکام پر آنکھیں بند نہیں کر سکتے: فردوس عاشق
وفاقی مشیر اطلاعات ڈاکٹر فردوس عاشق اعوان نے کہا ہے کہ ''آئین سے بالاتر کام پر وزیر اعظم عمران خان آنکھیں بند نہیں کر سکتے‘‘ جبکہ ویسے بھی وزیراعظم بن جانے پر حیرت سے اُن کی آنکھیں کھلی کی کھلی ہی رہتی ہیں‘ جنہیں وہ جھپکاتے تک نہیں اور اسی عالمِ حیرت میں انہیں یاد ہی نہیں رہتا کہ وہ وزیراعظم ہیں‘ اس لیے بعض کیسوں میں وہ اگر چاہیں بھی تو آنکھیں بند نہیں کر سکتے‘ کیونکہ اب یہ ہمیشہ کھلی رہنے والی ہیں ‘جبکہ وہ منہ بھی کبھی کبھار ہی کھولتے ہیں‘ کیونکہ منہ کھلا رکھنے سے اس میں مکھیوں کی آمد و رفت بھی شروع ہو جاتی ہے اور مکھیوں کا عالم یہ ہے کہ وزیروں‘ مشیروں کے دن رات مکھیاں مارنے سے بھی ان کی تعداد میں کوئی کمی نہیں آئی ہے‘ اس لیے وزیراعظم سے ایسے معاملات پر زیادہ توقعات نہ باندھی جائیں۔ آپ اگلے روز اسلام آباد میں میڈیا سے گفتگو کر رہی تھیں۔
سرخیاں ‘متن اور منتخب شعر و شاعری
ظفر اقبال
کے کالم سے انتخاب​