نہ کہیں بھی تُجھ سا پایا ، تجھے حمد ہے خدایا ۔مُحمَّد خلیل الرَّحمٰن ، خلیل

نہ کہیں بھی تُجھ سا پایا ، تجھے حمد ہے خدایا
“ تجھے حمد ہے خُدایا ، تجھے حمد ہے خدایا “

مرے ذہن و دل پہ چھایا کبھی یاس کا اندھیرا
ترے نُور نے بھگایا ، تُجھے حمد ہے خدایا

تُو کہے کبھی بھی جب کُن ، فَیَکون ہو نتیجہ
یہ کتاب ِ حق میں آیا ، تجھے حمد ہے خدایا

ترا ذکر ہو زباں پر تو سکوں ملے ہے دل کو
تُو ہے روح میں سمایا ، تُجھے حمد ہے خدایا

جو ملی ہے آج عزت وہ کرم ہے خاص تیرا
بڑا نام ہے کمایا ، تُجھے حمد ہے خدایا

تری رحمتوں کے صدقے مُجھے مل گئی ہے نسبت
تُو نے اُمتی بنایا ، تُجھے حمد ہے خدایا

سبھی زیست کے قرینے تُو خلیل کو سکھا دے
یہ جہاں کا ہے ستایا ، تُجھے حمد ہے خدایا

مُحمَّد خلیل الرَّحمٰن ، خلیل ۔۔۔۔۔۔۔۔ اسلام آباد​

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین