میں اڑ رہا ہوں مگر ہے زمیں نگاہوں میں

میں اڑ رہا ہوں مگر ہے زمیں نگاہوں میں
فراق ذہن میں ہے اور وصال بانہوں میں

فریب کھا تے ہیں اکثر تمہاری آنکھوں سے
شمار کرتے ہیں ان کو فریب گاہوں میں

کسی کے نام پر اب بھی نگاہ جلتی ہے
کسی کی راہ میں اب بھی نگہ ہے راہوں میں

چھلا ہے سینہ تو کیا ہوگی آہ کی تفصیل
کہ گرم خون بھی شامل ہے سرد آہوں میں

نشانہ باز بھی اپنوں کے سینے ڈھونڈتے ہیں
پڑے ہوے کئی یوسف ہیں اب بھی چاہوں میں

Abu Leveeza Ali
سید علی رضوی

 

واہ بہت عمدہ

 

واہ واہ!

 

بہت شکریہ شاد رہیں

 

بہت شکریہ شاد رہیں

 

شکیل بھائی آپ کا بے حد مشکور آپ کی راۓ حوصلہ افزاء ہے بہت دعائیں