غزل - تمھارا خواب کہاں تک ہمارے ساتھ رہے

پیش ہے آپ کی خدمت میں اپنی ایک
غزل - تمھارا خواب کہاں تک ہمارے ساتھ رہے


تمہارا خواب کہاں تک ہمارے ساتھ رہے
کوئی سراب کہاں تک ہمارے ساتھ رہے
کبھی کبھی تری آنکھیں تو مسکراتی ہیں
یہ انقلاب کہاں تک ہمارے ساتھ رہے
چڑھی جو دھوپ، بکھرنے لگا، تو ہم سمجھے
کوئی گلاب کہاں تک ہمارے ساتھ رہے
ہمارے ساتھ رہے گی یہ زندگی شاید
مگر شباب کہاں تک ہمارے ساتھ رہے
تمام عمر کا رونا ہمیں نصیب ہوا
کوئی سحاب کہاں تک ہمارے ساتھ رہے
سمندروں سے بھی آگے کا ہے سفر اپنا
تو پھر چناب کہاں تک ہمارے ساتھ رہے
یہ اضطراب دل و جاں ہے زندگی تو فصیح
یہ اضطراب کہاں تک ہمارے ساتھ رہے

 

جواب: غزل - تمھارا خواب کہاں تک ہمارے ساتھ رہے

بہت شکریہ ربانی جی اس شئیرنگ کا

مگر میں اسے ٹھیک سے پڑھ نہیں پائی پلیز آپ کیا اسے ٹائپ کر سکتے ھیں نوازش ہو گی

 

جواب: غزل - تمھارا خواب کہاں تک ہمارے ساتھ رہے

محترمہ خوشی صاحبہ!
آپ کے حکم کی تعمیل میں محترم ملک بلال صاحب نے میری مدد کی
غزل ایڈٹ کر دی ہے امید اب آپ کو مشکل پیش نہیں آئے گی
مخلص
شاہین فصیح ربانی

 

جواب: غزل - تمھارا خواب کہاں تک ہمارے ساتھ رہے

محترم ملک بلال صاحب!

آپ کا شکریہ کہ غزل کو ٹاءپ کر کے میرے لیے آسانی پیدا کر دی۔
اور ممنون ہوں کہ کہ میری غزل اور خصوصا دو شعر پسند کیے آپ نے۔
بہت خوش رہیے۔
مخلص
شاہین فصیح ربانی

 

جواب: غزل - تمھارا خواب کہاں تک ہمارے ساتھ رہے

کبھی کبھی تیری آنکھیں تو مسکراتی ہیں
یہ انقلاب کہاں تک ہمارے ساتھ رہے

فصیح بھائی ساری غزل ہی بہت خوب ہے بہت عمدہ زبردست :mashallah: :222:

 

جواب: غزل - تمھارا خواب کہاں تک ہمارے ساتھ رہے

اچھا کلام ھے ربانی جی بہت خوب


بلال جی آپ کا بہت شکریہ جو آپ نے زحمت کی بڑی نوازش آپ کی شکر گزار ہوں