درِ رسولﷺ کا منظر بڑا سہانہ ہے ۔۔ عامرعطؔاء(کولکاتا)

برستا نور ہے رحمت کا شامیانہ ہے
درِ رسولﷺ کا منظر بڑا سہانہ ہے

فلک سے آٹھوں پہر واسطے سلامی کے
درِ نبیﷺ پہ "فرشتوں" کا آنا جانا ہے

سجاؤں کس لئے دنیاوی گیت ہونٹوں پر
نبیﷺ کی نعت سے بہتر کوئی ترانہ ہے ؟

نبیﷺ سے آلِ نبیﷺ سے ہے اس لئے اُلفت
ہمارے واسطے " بخشش " کا یہ بہانہ ہے

خوشی میں بدلیں گی افکار اہلِ محشر کی
مرے حضورﷺ کا اک بار " مسکرانا " ہے

تو "فتوے" لاکھ لگا ہم پہ شرک و بدعت کے
خدا کے بعد تو سب کچھ نبیﷺ کو مانا ہے

لے آؤ نجدیوں تم "علمِ غیب" پر ایماں
اگر خدا کو قیامت میں منہ دکھانا ہے

یہ بے زبان سی آتش کو بھی پتہ ہے کہ
"خلیلِ رب" کو نہ ہر گز مجھے جلانا ہے

خدا بھی راضی ہو جس سے رسولﷺ بھی راضی
ہمیں تو ایسا ہی " کردار " لیکے جانا ہے

"عطؔاء" نے نعت شہِ دیں کی اس لئے لکّھی
کہ قبر میں اِسے سرکارﷺ کو سنانا ہے
---
✍عامرعطؔاء(کولکاتا)
98 واں ہفتہ وار فی البدیہہ طرحی مشاعرہ 29 تا 30 جولائی
پیشکش فیس بک ٹائمز انٹرنیشنل ​

 

نبیﷺ سے آلِ نبیﷺ سے ہے اس لئے اُلفت
ہمارے واسطے " بخشش " کا یہ بہانہ ہے
​

 

"عطؔاء" نے نعت شہِ دیں کی اس لئے لکّھی
کہ قبر میں اِسے سرکارﷺ کو سنانا ہے​

 

سبحان اللہ & جزاک اللہ

​

 

اللہ تعالٰی آپ کو بھی جزائے خیر عطا کرے آمین

​