اپنی عقبیٰ کو ضوفشاں کیجے ۔ بلال رشید

اپنی عقبیٰ کو ضوفشاں کیجے
حمد خلاق دو جہاں کیجے
غیر ممکن ہے بخشش مشرک
بات باطل پہ یہ عیاں کیجے
کر کے تبلیغ دین صلِ علیٰ
نام کو اپنے جاوداں کیجے
شہر باطل میں علم و حکمت سے
رب کی توحید کو بیاں کیجے
اپنے افکار کو خدا کے لئے
دین احمد کا ترجماں کیجے
کر کے توصیفِ خالقِ اکبر
خود کو نبیوں کا ہم زباں کیجے
کر کے دین مبین کی خدمت
خود پہ خالق کو مہرباں کیجے
عشق باری کے نور سے خود کو
تا ابد زیب داستاں کیجے
اپنے دیوان کو بلال - حزیں
حمد گوئی کا گلستاں کیجے
----
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین

 

جزاک اللہ خیراً کثیراً

 

اللہ تعالیٰ آپ کو بھی جزائے خیر عطا کرے آمین