اپنا جو اعتبار ہے کھونے نہ دیجئے----برائے اصلاح

شکیل احمد خان (خان بھائی کہاں ہیں )
محمد سعید سعدی
ــــــــــــــــ
مفعول فاعلان مفاعیل فاعِلن
۔۔۔۔۔۔۔۔۔۔۔۔۔۔۔
اپنا جو اعتبار ہے کھونے نہ دیجئے
خود کو بھی بے قرار یوں ہونے نہ دیجئے
-------------
مطلع متبادل
-------
ہوتا ہے دل نثار تو ہونے نہ دیجئے
خود کو کسی کے پیار میں کھونے نہ دیجئے
------------------
ایسا نہ ہو کہ آپ سے لوگوں کے دل دُکھیں
لوگوں کو اپنے فعل سے رونے نہ دیجئے
--------------
طاقت سے آپ روک دیں ظالم کے ہاتھ کو
دیکھیں کسی پہ ظلم تو ہونے نہ دیجئے
---------
محبوب نے جو آپ کو بیدار کر دیا
ایسے ہی اس کو آپ بھی سونے نہ دیجئے
---------
طاقت کسی کی دیکھ کے ڈرنا نہیں کبھی
ظالم کو ہاتھ خون سے دھونے نہ دیجئے
------------
ارشد کو کیوں ہے آپ نے مایوس کر دیا
ایسے اسے اداس تو ہونے نہ دیجئے
-----------