یہ مانا کہ ہر اِک نبی محترم ہے ۔ حضرت علامہ صائمؔ چشتی

صلی اللہ علیہ وآلہ وسلم​

یہ مانا کہ ہر اِک نبی محترم ہے
مگر سب میں اِک ہاشمی محترم ہے

مدینے کے ذروں پہ قرباں ستارے
مدینے کی ہر اِک گلی محترم ہے

جسے مصطفیٰﷺ کی محبت ملی ہے
ہے مومن وہی اور وہی محترم ہے

میرے کملی والے کے روضے کے صدقے
زمیں سب کی سب ہو گئی محترم ہے

بڑی شان حق نے فرشتوں کی دی ہے
فرشتوں سے پر آدمی محترم ہے

ابوبکر و فاروق اُن کو ملیں گے
نگاہوں میں جن کی علیؑ محترم ہے

کرے کیوں نہ ولیوں سے صائمؔ محبت
خدا کی قسم ہر ولی محترم ہے
-------​

حضرت علامہ صائمؔ چشتی
اردو پنجابی نعتیہ کلام ۔۔ " حُسن کائنات "
صفحہ نمبر۔80 تا 81
چشتی کتب خانہ ۔ ارشد مارکیٹ جھنگ بازار فیصل آباد​

 

اللہ تعالیٰ آپ کوبھی جزائے خیر عطا کرے آمین