نعت رسول اکرم از۔۔ عثمان غنی آسؔی

*ہوں کیوں نہ سبھی آپ کے دیدار سے روشن*
*ہیں کون و مکاں آپ کے رخسار سے روشن*
*ہوگا نہ ہوا ہے کبھی تلوار سے روشن*
*اسلام ہوا آپ کے کردار سے روشن*
*افلاک کے وہ شمس و قمر ہوں کہ ستارے*
*کچھ بھی تو نہیں آپ کے دربار سے روشن*
*تھا ظلمت باطل کا زمانے میں بسیرا*
*تاریخ ہوئی آپ کے شہکار سے روشن*
*سنت پہ عمل جب سے کیا ہم نے اے آقا*
*ہم ہو ہی گئے آپ کے اطوار سے روشن*
*مل جائے مقدر سے تو میں سر پہ سجا لوں*
*ہو جائے مرا سر تری پَیزار سے روشن*
*ہر شے ہے ترے ذکر کی خوشبو سے معطر*
*ہر شے ہے ترے عشق کے انوار سے روشن*
*یا رب مری آنکھوں کو دکھا ان کا مدینہ*
*ہو جائیں یہ آنکھیں بھی درِ یار سے روشن*
*اس تیرگیءقلب کو اک آن میں آسؔی*
*کردیتے ہیں سرکار بڑے پیار سے روشن*

_*عثمان غنی آسؔی*_

 

جزاک اللہ

 

نوازش

 

شکریہ
جزاک اللہ

 

نوازشات کا شکریہ

 

نوازش

 

ماشاءاللہ آسی بھائی۔ بہت خوبصورت ہدیہ۔

 

بہت بہت شکریہ بھائی جان حوصلہ افزائی کا