ستارو اب تیری محفل میں

ستارو اب تیری محفل میں
ہم بھی روز آئیں گے
کہ ساری رات محفل میں
تماشا درد کا ہوگا
غموں کی سیج پر اب
آنسوؤں کا رقص بھی ہوگا
ترنم سسکیوں کا
اک عجب ماحول بنائے گا
لبوں پر آہ کی دردناکیاں ہونگی
ستارو اب سجے گی
اک نئی محفل
تیری محفل کی ہم
رونق بڑھائیں گے
ستارو اب تیری محفل میں
ہم بھی روز آئیں گے
کہ ساری رات محفل میں
تماشا درد کا ہوگا
عبدالمطلب مقیّد​

 

واہ واہ بہت خوب۔۔۔

 

بھائی ہم جیسے نیم کار تو آپ سے سیکھنے آتے ہیں
آگے سے پٹھان ہونا بھی ہماری اردو کو مضحکہ خیز بنا دیتے ہیں
اس لیے اصلاحی عمل جاری رکھیئے اور ہمیں سکھاتے رہیئے
بقول شاعر
ہے بزرگوں کا شرف میرا وظیفہ مرا ورد
باادب ہوں کہ مودب کا ہوں ادنیٰ شاگرد

 

ہا ہا ہا ہا
پٹھان جب کراچی میں سکونت اختیار کرلیں تو ان کی اردو میں یقینا نکھار آجاتا ہے۔
اور انسان تو ہر دم سیکھنے کے عمل سے گزرتا رہتا ہے۔

خوش رہیے۔

 

کہ ساری رات محفل میں
تماشا درد کا ہوگا​

پٹھان ہیں اور بہت اچھی اردو ہے ،، یہ وہ زبان ہے جو ہم سب کو جوڑے رکھتی ہے ،ماشا اللہ ​

 

ہماری اردو پیاری اردو ایسی زبان ہے جس میں بے پناہ قوت ہے کہ ہر دیس کا انسان اسے بخوبی ادا کرسکتا ہے کیونکہ اس کی سرشت میں ہی لشکری عنصر شامل ہے کہ ہر کوئی بآسانی گفتگو کرسکتا ہے۔ میں نے انگریزوں، امریکیوں اور چینیوں کو بہت عمدہ اردو میں گفتگو کرتے ہوئے سنا ہے۔

 

ہماری اردو ایسی زبان ہے کہ اسے شائستگی سے بولا جائے تو سننے والا بھی ڈھنگ رہ جاتا ہے

 

عبدالمطلب صاحب بہت اچھا لکھا ہے مگر انتہائی معذرت سے کہ وزن میں تھوڑا فرق ہے، میرے ناقص خیال میں اگر "ستارو اب تیری محفل میں" کی بجائے اگر "ستارو اب تمہاری محفل میں" کر دیا جائے توکیسا رہے گا۔۔۔۔ رائے پھر بھی آپکی ہی مقدم رہے گی۔