دینی بیت بازی

السلام علیکم
ہماری اردو پیاری اردو کے اس خوبصورت گلستان میں ایک اور پاکیزہ، مطہر اور باعث برکت پھولوں کی مالا جیسی لڑی کا آغاز کرنے کی سعادت حاصل کررہا ہوں ۔ وہ ہے
"دینی و اسلامی بیت بازی "
بیت بازی کے اصول کے تحت ہمیشہ سابقہ شعر کے آخری حرف سے اگلے شعر کا آغاز کیا جائے گا۔ لیکن ہر شعر ، حمد الہی، نعت رسول مقبول :saw: یا منقبت پر مبنی ہونا چاہیے۔ میری نظر سے آج تک انٹرنیٹ پر اس طرح کی بیت بازی کا کوئی سلسلہ نہیں گذرا ۔ الحمدللہ یہ شرف ہماری اردو پیار ی اردو کو حاصل ہورہا ہے۔
امید ہے سب لوگ اپنے دینی ذوق کا اظہار کرتے ہوئے اپنا حصہ ضرور ڈالیں گے۔ جزاکم اللہ خیرا

پہلے شعر سے آغاز ہے

اے خدا اے خدا جس نے کی جستجو
مل گیا اس کو تو ۔ سب کا تو راہ نما ​

راہ نما کا آخری حرف الف (ا) سے اگلا شعر لکھ کر بیت بازی آگے بڑھائیے۔

 

اے چارہ گرِ شوق ، کوئی ایسی دوا دے
جو دل سے ہر اک غیر کی چاہت کو بھلا دے

 

یہ بھی ہے سرکار کے گھر کا اک ادنٰی معجزہ
اس گھرانے میں سبھی سرکار ہی سرکار ہیں​

 

نہ دولت سے ، نہ دنیا سے نہ گھر آباد کرنے سے
تسلی دل کو ہوتی ہے خدا کو یاد کرنے سے

 

یا رب دل مسلم کو وہ زندہ تمنا دے
جو قلب کو گرما دے جو روح کو تڑپا دے
آمین

 

سبحان اللہ

 

یہ مکتب کی کرامت تھی یا طفیل خداوندی

اسماعیل:as: کو سکھائے کس نے آداب فرزندی

 

منور چشتی بھائی ۔ معافی چاہتے ہوئے شعر کی تصحیح کرنا چاہوں گا۔

یہ فیضانِ نظر تھا یا کہ مکتب کی کرامت تھی
سکھائے کس نے اسماعیل :as: کو آدابِ فرزندی ​

 

یہ آرزو نہیں کہ دعائیں ہزار دو
پڑھ کے نبی :saw: کی نعت لحد میں اتار دو​

 

وہ دو جہانوں کے امیں ھیں انہی کے ہاتھوں میں‫
سپرد کون ومکاں کا نظام رہتا ھے

 

یہ ناز ، یہ انداز ، ہمارے نہیں ہوتے
جھولی میں اگر ٹکڑے تمھارے نہیں ہوتے
ہم جیسے نکموں کو گلے کون لگاتا
سرکار :saw: اگر آپ ہمارے نہیں ہوتے​

 

یہ کہتی ھیں فضائیں زندگی دو چار دن کی ھے
مدینہ دیکھ آئیں زندگی دو چار دن کی ھے

 

یہی ہے آرز و، یہی ہے التجا
مجھ پہ نظرِکرم ہو یا شہِ انبیاء

 

اے سبز گنبد والے ! منظور دعا کرنا
جب وقتِ نزع آئے ، دیدار عطا کرنا

صلی اللہ علیہ وسلم

 

ایک مدت سے بھٹکتے ہوئے انسانوں کو
ایک مرکز پہ بلانے کے لئے آپ:saw: آئے

 

یا رب تیرے محبوب :saw: کا جلوہ نظر آئے
اس نور مجسم :saw: کا سراپا نظر آئے​

 

یوں ذہن میں‌جمالِ رسالت :saw: سما گیا
میرا جہانِ فکر و نظر جگ مگا گیا

 

ابر رحمت چھاتے ہیں پیارے محمد :saw: آتے ہیں
سب عرشی فرشی گاتے ہیں پیارے محمد :saw: آتے ہیں

 

نہ کلیم کا تصور ، نہ خیالِ طورِ سینا
میری آرزو محمد :saw: میری جستجو مدینہ

 

ہادی برحق ، نور مجسم صلی اللہ علیہ وسلم
شافعِ محشر، نبیء مکرم صلی اللہ علیہ وسلم

 

محبت ھے جسے غارحرا میں رونے والے سے
وہ انساں ھے خدا کا رازداں ایمان ھے میرا

 

اس آس پہ جیتا ہوں ۔ کہہ دے یہ کوئی آکر
چل تجھ کو مدینے میں ، سرکار :saw: بلاتےہیں

 

نسیما جانبِ بطحا گذر کن
زاحوالم محمد را خبر کن



:saw:

 

نہ تیرا خدا کوئی اور ہے نہ میرا خدا کوئی اور ہے
میرے قلب میں ہے جو بولتا یہ بولتا کوئی اور ہے

 

یہ دنیا اک سمندر ہے مگر ساحل مدینہ ہے
ہر اک موجِ بلا کی راہ میں حائل مدینہ ہے

 

ماشاءاللہ

یہ چمک یہ دمک یہ پھبن یہ مہک سب کچھ سرکار تمہی سے ہے
چومے سیاں کے قدم پر تور چرن جیون میں بہار تمہی سے ہے

اچھا سلسلہ ہے نعیم بھائی جزاک اللہ

 

یوں تو سارے نبی محترم ہیں مگر سرورِ انبیاء تیری کیا بات ہے
رحمتِ دوجہاں اک تیری ذات ہے ۔ اے حبیبِ خدا تیری کیا بات ہے


:saw:

 

یارب میری سوئی ہوئی قسمت جگادے
آنکھیں مجھے دی ہیں تو مدینہ بھی دکھا دے

 

یا دمیں آقا :saw: کی آنسو بہہ گئے
سب مدینے کو گئے ،،، ہم رہ گئے

 

یا رسول اللہ تیرے در کی فضاؤں کو سلام
گنبد خضرا کی ٹھنڈی ٹھنڈی چھاؤں کو سلام