دل یہ کرتا ہے کہ چوکھٹ پہ سجا دوں آنکھیں ۔ زنیرہ گل (اصلاح طلب)

دل یہ کرتا ہے کہ چوکھٹ پہ سجا دوں آنکھیں
ان کا آنا ہو تو پیروں میں بِچا دوں آنکھیں
آسمانوں کی بلندی پہ رہے جن کا خُلق
ایسے کردار سے کیسے میں ملا دوں آنکھیں
تصفیہءِ قلب کو محکومِ زمانہ ہو کر
اک تسلی کے لیے در پہ جلا دوں آنکھیں
وہ اگر گُل کے گلستاں میں قدم رکھ دے تو
گل کا وعدہ ہے گلستاں میں اُگا دوں آنکھیں

" زنیرہ گُل"

 

وہ جو اک رات ترے سنگ گزاری تھی میں نے
آج تک میں اُسی اک رات سے باہر نہ گیا
دل تو جانے کہاں تک تیرے خیالوں میں گیا
میں مگر آج بھی جذبات سے باہر نہ گیا
ترقی کرتے ہوئے قوم ستاروں پہ گئی
اور تو پچھلی خرافات سے باہر نہ گیا
رسمِ فرہاد وہی، میر کے اشعار وہی
میں محبت میں روایات سے باہر نہ گیا

 

واہ بہت عمدہ ۔ بہت سی داد قبول ہو

 

بہت بہت شکریہ جناب
آپ کی محبت ہے خراب خراب لکھ کر سیکھ رہی ہوں

 

کیا ہی ارفعٰ و اعلیٰ خیالات ،کس قدرعجز ونیاز کے ساتھ ۔بہت خوب!!!

 

بہت بہت شکریہ محترم

 

واہ واہ بہت خوبصورت طریقے سے آپ نے اصلاح کرنے کی کوشش کی ہے
بہت بہت شکریہ مشکور ہوں محترم آپ کی اس محبت کے لیے