حکومت میں ہمیں لُوٹ کے جانے کیلئے آ

َاَیوان میں تُو پیسے بنانے کے لئے آ
باہر تُو یہ پیسے بھی لے جانے کے لئے آ

تیری یہ تجوری تو بھری ہے نہ بھرے گی
تُو ٹیکس ہم پر ہی لگانے کے لئے آ

ہم سُن چکے ہیں تیرے تو سب نعرے پرانے
نعرہ نیا تُو پھر سے سُنانے کے لئے آ

غربت کو مٹانے کا نہ پھر تم کبھی کہنا
بس اب تو غریبوں کو مٹانے کے لئے آ

ہیں روز کے قصّے تو مظالم کے یہاں پر
ٹی وی پہ تُو ہمدردی جتانے کے لئے آ

ہے فضل خدا کا تو مرے پیارے وطن پر
گر شرم نہیں تُجھ کو تو کھانے کے لئے آ

جعفرؔ یہ کہیں زخم نہ بھر جائیں ہمارے
زخموں کے شجر پھر سے اُگانے کے لئے آ
جعفر بشیر جعفرؔ