مڑ کے دیکھا تو مرے دل کی عجب حالت ہوئی

مڑ کے دیکھا تو مرے دل کی عجب حالت ہوئی
جانبِ منزل چلی اور پیچھے منزل رہ گئی

زنیرہ "گُل"​

 

ڈال دے، حرمتِ وصال پہ خاک

اس گناہوں بھرے خیال پہ خاک

ایک لمحے میں، پڑ گئی کیسے

سال ہا سال کے کمال پہ خاک

روح جیسا بدن، بکھیر دیا

اے محبت، تری مجال پہ خاک

آئینہ ٹوٹ ہی گیا آخر

ایسے ہاتھ، ایسی دیکھ بھال پہ خاک

اور بے حال کر لیا، خود کو

خاک، اس شوقِ عرضِ حال پہ خاک

درد، آگے نکل گیا، ہم سے

اے دلِ خستہ ،تیری چال پہ خاک

زخم، اے وقت، داغ بن بیٹھا

جا، ترے نازِ اندمال پہ خاک