لیکاں ہتھ دیاں

ویکھ نجومی ہتھ دیاں لیکاں
بختاں والی گل تے دس
ہن تے ساہ وی مکدے جاندے
جیون دا کوئی ول تے دس

 

اسی اج وی تیری راہ تکاں
تو اک واری آ کے مل تے سہی
تو اج وی اوئی پھل گلاب دا
تو اک واری آ کے کھل تے سہی

 

کی کرسے توں میرے دل دا حال جان کے
جے میرے ول ویکه کے میرا احساس نہ کیتا

 

گلاں چوں گل تے کوئی نہیں
تساں گل دی گل بنا چهوڑی
اساں جتنی گل مکاندے رے
تساں اتنی گل ودها چهوڑی
اساں نت خلوص دی چهاں کیتی
تساں جهڑکاں نال ونجا چهوڑی
اساں لوکاں نال مکاندے رہے
تساں ساڈے نال مکا چهوڑی

 

لاہور اگر پیارا نہ ھوندا
مال روڈ دا ایہہ نظارہ نہ ھوندا
کلمہ چوک تے اشارہ نہ ھوندا
ریس کورس پارک دے بغیر گزارا نہ ھوندا
سردار دی مچھی دا سواد کرارہ نہ ھوندا
چائنا چوک والا جہاز ناکارہ نہ ھوندا
لبرٹی وچ انہا کھلارہ نہ ھوندا
ایہہ لکشمی چوک فورٹریس چوک
تے لبرٹی چوک دا قصور اے ورنہ
لاہور دا کوئی بندہ آوارہ نہ ھوندا