جو جا چکا ہے اس کا یہ انتظار کیوں ہے؟---برائے اصلاح اور تنقید

مفعول فاعلاتن مفعول فاعلاتن
جو جا چکا ہے اس کا یہ انتظار کیوں ہے؟
جس نے نہ مان رکھا اس سے یہ پیار کیوں ہے؟
----------------
تم نے چھپا کے رکھا اس کا تو راز دل میں
تیرا چھپا نہ پائے وہ رازدار کیوں ہے؟
---------یا
وہ جو چھپا نہ پایا وہ رازدار کیوں ہے؟
------------
تیرا قرار لوٹا جس نے تھا ہر طرح سے
اس کے لئے ہی اتنا تُو بے قرار کیوں ہے؟
---------------
تیری قدر نہ جانی جس نے تھی زندگی بھر
اب تک ترا یہ رشتہ یوں استوار کیوں ہے؟
---------------
جو کچھ ہوا ہے اس میں تیری خطا نہیں تھی
پھر بھی خدا کے بندے تُو شرمسار کیوں ہے؟
------------------
محنت میں کچھ بُرائی ہوتی نہیں کبھی بھی
----------یا
محنت جو کر کے کھائے اس میں ہے کیا بُرائی
پھر بھی غریب انساں یوں بے وقار کیوں ہے؟
-------------
کرتا ہے جو بُرائی اس کو بُرا ہی جانو
پھر بھی جہان ایسوں کا طرفدار کیوں ہے؟
-----------------
کرتا ہے بات سچی ارشد سدا جہاں میں
------یا
کرتا نہیں ہے ارشد باتیں کبھی بھی جھوٹی
لوگوں کو بات ایسی یوں ناگوار کیوں ہے؟

 

استاد شعراء سے اصلاح کی درخواست ہے

 

ماشاء اللہ بہت خوب