دل ِمہجور کی راحت مرے سرکار کی چوکھٹ ۔۔ عابد علی خاکسار جموں کشمیر

دل ِمہجور کی راحت مرے سرکار کی چوکھٹ
نگاہ ِشوق کی لذت مرے سرکار کی چوکھٹ

نہ تخت و تاج کی چاہت نہ حاجت مال و دولت کی
مرے سر کی رہے زینت مرے سرکار کی چوکھٹ

ادب سے بیٹھتے ہیں جو، عطا کرتی ہے پھر ان کو
شہنشاہوں پہ بھی سبقت مرے سرکار کی چوکھٹ

مدینے میں ہوں اے رضواں نہ جنت میں بلا مجھ کو
زمیں پر ہے حسیں جنت مرے سرکار کی چوکھٹ

فلک سے آتے ہیں دہلیز پر قدسی سلامی کو
ملائک کی بھی ہے عزت مرے سرکار کی چوکھٹ

جہاں کے تاجور بھی دیکھتے ہیں رشک سے اسکو
عطا کرتی ہے جو رفعت مرے سرکار کی چوکھٹ

دل ِبے تاب میں خواہش مچلتی ہے یہی عابد
رہے تجھ سے مری نسبت مرے سرکار کی چوکھٹ
-----
عابد علی خاکسار جموں کشمیر
بزم اردو اساتذہ کا 65/واں مشاعرہ برائے نعتﷺ
مورخہ۲۵/صفر المظفر ۱۴۴۱
مطابق25/اکتوبر 2019
​

 

نہ تخت و تاج کی چاہت نہ حاجت مال و دولت کی
مرے سر کی رہے زینت مرے سرکار کی چوکھٹ​

 

دل ِبے تاب میں خواہش مچلتی ہے یہی عابد
رہے تجھ سے مری نسبت مرے سرکار کی چوکھٹ
​

 

سبحان اللہ جزاک اللہ

​

 

اللہ تعالٰی آپ کو بھی جزائے خیر عطا کرے آمین

​