حضور صلی اللہ علیہ وسلم کے بال مبارک

حضور سرورعالم صلی اللہ علیہ وسلم کی ریش مبارک کے دوبال مبارک حضرت صدیق اکبر رضی اللہ عنہ کو مل گئے،آپ اُن دوبالوں کو بطورتبرک گھر لے آئے اور بڑی تعظیم کے ساتھ اندر ایک جگہ رکھ دیئے تھوڑی دیر کے بعد اندر سے قرآن پڑھنے کی آوازیں آنے لگیں صدیق اکبر رضی اللہ عنہ اندر گئے تو تلاوت کی آوزیں تو آرہی تھیں مگر پڑھنے والے نظر نہ آتے تھے،حضرت صدیق اکبر رضی اللہ عنہ حضور کی خدمت میں حاضر ہو کر سارا قصہ عرض کیا تو حضور نے مسکرا کر فرمایا''اِنَّ الْمَلٰئِکَۃَ یَجْتَمِعُوْنَ عَلٰی شَعْرِیْ وَیَقْرَءُ وْنَ الْقُرْآنَ'' یعنی یہ فرشتے ہیں جو میرے بال کے پاس جمع ہوکر قرآن پڑھتے ہیں۔ جامع المعجزات ص٦٢​

​

​

سبق​

حضور سرورعالم صلی اللہ علیہ وسلم کاہر بال منبع الکمال ہے اور آپ کا بال بال شریف زیارت گاہِ خلائق ہے۔​