آج کا قطعہ

گر نہیں راز فقر سوں آگاہ
فخر بے جا ہے فخرِ رازی کا

اے ولی سرو قد کوں دیکھوں گا
وقت آیا ہے سرفرازی کا

ولی دکنی
​

 

رات دن سوچنا سزا تو نہیں
دیکھنا ! مجھ کو کچھ ہوا تو نہیں

یہ جو آنکھوں میں گرد اُڑتی ہے
یہ سمندر کی بد دُعا تو نہیں
- - - - -
بیدلؔ حیدری​

 

جِس کو دیکھو اُس کے دِل میں شکوہ ہے تو اِتنا ہے
ہمیں تو سب کچھ یاد رہا، پر ہم کو زمانہ بُھول گیا

کوئی کہے یہ کس نے کہا تھا، کہہ دو جو کچھ جی میں ہے
میراجی کہہ کر پچھتایا اور پِھر کہنا بُھول گیا
- - - - -
میراجی​

 

مشاطہ کا قصور سہی سب بناؤ میں
اس نے ہی کیا نگہ کو بھی پر فن بنا دیا

اظہارِ عشق اس سے نہ کرنا تھا شیفتہ
یہ کیا کیا کہ دوست کو دشمن بنا دیا​

 

اک پل میں اک صدی کا مزا ہم سے پوچھیئے
دو دن کی زندگی کا مزا ہم سے پوچھیئے
بھولے ہیں رفتہ رفتہ انہیں مدّتوں میں ہم
قسطوں میں خود کشی کا مزا ہم سے پوچھیئے

خمار بارہ بنکوی​

 

بغیر اس کے اب آرام بھی نہیں آتا
وہ شخص جس کا مجھے نام بھی نہیں آتا

اسی کی شکل مجھے چاند میں نظر آئے
وہ ماہ رخ جو لبِ بام بھی نہیں آتا

غلام محمد قاصرؔ​