یک زباں آج ہوئے نطق و قلم بسم اللّٰہ ۔۔ محمدظفراقبال نوری

یک زباں آج ہوئے نطق و قلم بسم اللّٰہ​

دل کی پوروں سے کروں نعت رقم بسم اللّٰہ

دشت در دشت کھلے باغ ارم بسم اللّٰہ
جلوہ فرما جو ہوئے پاک قدم بسم اللّٰہ

زائرِ طیبہ سنا کوئی بلاوے کی خبر
جان و دل قلب و نظر سارے بہم بسم اللّٰہ

خیمۂ جاں میں جلا رکھے ہیں امید چراغ
رنجہ فرمائیں مرے شاہ قدم بسم اللّٰہ

بابِ جبریل پہ خدّامِ ادب یوں بولے
دل بکف آؤ چلے بابِ نِعَم بسم اللّٰہ

گنبدِ سبز کے سائے میں اجل گر آئے
لب پہ ہو صلِّ علٰی صد لطف و کرم بسم اللّٰہ

آشنا نعت کے سب آئیں فقیرانہ چلیں
خدمتِ نعت ہے مقبول کرم بسم اللّٰہ

میں کہ حرفوں کا بھکاری ترا بردہ آقاﷺ
صدقہ حیدر کا ملے نعت قلم بسم اللّٰہ

تُو نے حسّاں کو بو صیری کو ردائیں بخشیں
اُن کے صدقے میں ظفر پر بھی کرم بسم اللّٰہ
-----
محمدظفراقبال نوری​

 

زائرِ طیبہ سنا کوئی بلاوے کی خبر
جان و دل قلب و نظر سارے بہم بسم اللّٰہ
​

 

گنبدِ سبز کے سائے میں اجل گر آئے
لب پہ ہو صلِّ علٰی صد لطف و کرم بسم اللّٰہ
​

 

تُو نے حسّاں کو بو صیری کو ردائیں بخشیں
اُن کے صدقے میں ظفر پر بھی کرم بسم اللّٰہ
​

 

سبحان اللہ ۔ جزاک اللہ

 

اللہ تعالٰی آپ کو بھی جزائے خیر عطا کرے آمین

​