پرویز مشرف کے آمدن سے زائد اثاثے، لندن اور متحدہ عرب امارات میں جائیداد

اسلام آباد (مانیٹرنگ ڈیسک) پرویز مشرف کے آمدن سے زائد اثاثے، لندن اور متحدہ عرب امارات میں کتنی مالیت کی جائیداد ہے، برطانوی حکومت کی سرکاری دستاویزات کے حوالے سے پاکستان کے مؤقر انگریزی اخبار کا تہلکہ خیز انکشاف۔ تفصیلات کے مطابق پاکستان کے مؤقر انگریزی اخبار’’دی نیوز‘‘کی رپورٹ کے مطابق برطانوی حکومت کی سرکاری دستاویزات کے ذریعےانکشاف سامنے آیا ہے کہ پاکستان کے سابق فوجی صدر اور آرمی چیف جنرل پرویز مشرف نے 13 مئی کو لندن میںا یک فلیٹ کی خریداری کے لئے 1.35 ملین پاونڈ (پاکستانی روپے میں 20 کروڑ روپے ) ادا کئے جبکہ تقریباً اتنی ہی لاگت کا ایک اور فلیٹ متحدہ عرب امارات میں اسی عرصے کے دوران خریدا گیا تاہم حیران کن امر یہ ہے کہ آرمی چیف کی حیثیت سے ریٹائر ہونے پر انہیں ملنے والے مجموعی فوائد کی مالیت بھی دو کروڑ روپے نہیں بنتی ہے ۔پاکستان سے جانے کے چند ہی ماہ بعد تقریباً 40 کروڑ پاکستانی روپوں کے برابر رقم سے لندن اور دبئی میں فلیٹ خریدنے اور وہ بھی ایسے وقت میں کہ جب نہ تو انہوں نے لیکچر دینا شروع کئے تھے اور نہ ہی ابھی انہوں نے اپنا کوئی رہائشی پلاٹ، گھریا تجارتی املاک فروخت کی تھیں، یہ ایسا معاملہ ہے جو تمام تر دستاویزی شہادتوں کے ساتھ طویل عرصے سے نیب کے سامنے پڑا ہوا ہے۔اخبار ی رپورٹ کے مطابق جنرل مشرف نے جو دستاویزات 2013ءکے انتخابات کے دوران الیکشن کمیشن آف پاکستان میں جمع کرائی ہیںان سے ظاہر ہوتاہے کہ اس دوران انہوں نے اپنا کوئی رہائشی، کمرشل پلاٹ یا فارم ہائوس نہیں بیچا جو انہیں فوج میں نوکری کرتے ہوئے ملا۔ 50 ایکڑ کی زرعی اراضی جو انہیں بہاولپور میں الاٹ ہوئی تھی وہ انہوں نے 2002ءمیں فروخت کردی تھی۔ عدلیہ کی بحالی کے بعد جنرل مشرف اپریل 2009ءمیںپاکستان سے گئے تھے۔ رپورٹ کردہ حقائق کے مطابق جنرل مشرف کو لیکچروں سے ہونے والی آمدن 2010ءمیں شروع ہوئی۔13 مئی 2009ءکو انہوں نے ہائیڈ پارک لندن کا جو فلیٹ خریدا اس کی قیمت 1.35 ملین پائونڈ ادا کی، الیکشن کمیشن آف پاکستان میں ان کی دو غیر ملکی غیر منقولہ جائیدادوں کا تذکرہ ہے جن میں ایک 1.28 کیسل ایکڑ، ہائیڈ پارک کریسنٹ لندن اور دوسری 3902 ساووتھ ریج ٹاور 6 ڈاون ٹاون دبئی یو اے ای کا فلیٹ ہے ۔یہ فلیٹ بھی اسی عرصے کے دوران خریدا گیاتھا اور اس کی قیمت 20 کروڑ پاکستانی روپے سے زائد تھی ۔ لندن کے فلیٹ کی رجسٹر دستاویزات سے پتہ چلتا ہے کہ فلیٹ صہبا مشرف کا ہے اور اس کے لئے 13 لاکھ 50 ہزار پاونڈ کی ادائیگی کی گئی۔

 

نئی حکومت مشرف صاحب کی پاکستان واپسی یقینی بنائے۔

 

ویسے یہ باہر گیا کیوں تھا؟

 

اپنی جان بچانے کے لئے۔

 

بچ گیا؟

 

پھر تو ڈرنے کی ضرورت نہیں ثبوت پیش کر کے آسانی سے چھوٹ سکتے ہیں

 

مشرف صاحب نے سعودی بادشاہ سے تحفہ میں لندن میں فلیٹ لیکر ہماری غیرت کو متاثر کیا ہے۔

 

صحیح فرمایا۔
این آر او بھی تو ان کی بہت بڑی غلطی تھی؟

 

لال مسجد کا واقعہ کبھی کوئی نہیں بھلا سکتا
اللہ انجام تک پہنچائےگا اس ظالم کو بھی

 

جی اس واقعے نے بھی پوری قوم کو سکتے میں لا کھڑا کیا تھا۔۔۔۔۔
کاش کوئی سیاست دان اپنی بصیرت کے ذریعے معاملہ رفع دفع کروا دیتا۔

 

اپنوں کے ہاتھوں اپنوں کا خون بے جا کروایا
اور پھر ایک دوسرے کا منہ دیکھتے وہوئے یہ پوچھتے رہے کہ آرڈر کس نے دیا
حد ہوتی ہے ظلم و جبر کی

 

پاکستان کی تاریخ کا نہایت اندوہناک واقعہ ہے
مگر اسے سیاسی طور پر حل کیا جاسکتا تھا
ہمارے سیاستدانوں نے ہمت نہیں کی کہ طاقتور کے سامنے پرامن مذاکرات کی تجویز رکھتے۔

 

مصالحت کی کوشش نہیں کی گئی

 

بالکل ایسا ہی ہے۔
کچھ مولانا کی طرف سے بھی سخت لہجہ اپنایا گیا اور ٹکڑاؤ کے علاوہ کوئی دیگر تجویز نہ دی گئی۔

 

کچھ بھی تھا حکومت کا رویہ نرم ہونا چاہیے اپنے عوام کے خلاف کیوں کہ یہ کوئی غداری کا کیس نہیں تھا

 

فوج کے سامنے آنا نہیں چاہیے تھا۔

 

فوج کمانڈو آپریشن کر سکتی تھی مگر ڈنڈا برداروں اور نہتے معصوموں پر جن میں اکثریت لڑکیوں کی تھی پر بمباری نہیں کرنی چاہیے تھی

 

پہلی گولی لال مسجد سے چلی تھی اور ایک کیپٹن شہید ہوگیا۔ فوج اپنے فوجی کی اس طرح شہادت کہاں برداشت کرتے ہیں

 

اگر ایسا ہوتا بھی تو گولی کا جواب فاسفورس بموں سے نہیں دیا جاتا
ہمارے جوان خانہ کعبہ کو دہشت گردوں سے صاف کر سکتے ہیں تو لال مسجد اتنی بڑی بات نہیں تھی

 

اس میں مولانا رشید صاحب کو مفاہمت کا راستہ اپنانا چاہیے تھا مگر افسوس انھوں نے آخری حد کا سوچ رکھا تھا
اور دوسرے مولانا عبدالعزیز جب برقع میں باہر آئے تو انھیں ہمت کرکے کوئی ضمانت دینا چاہیےتھی اور مشکل وقت سے اجتناب کی راہ اختیار کرنا چاہیے تھی۔

 

مولانا عبدالعزیز کے ساتھ بہت بڑا دھوکا ہوا تھا
لڑکیوں کے ساتھ باہر نکلنے کا کہہ کر ان کو شرمندہ کرنے کے لیے اس طرح کا ڈرامہ رچا گیا کہ باہر آکر گرفتار کر لیا
بہر حال جو لڑکیاں لا پتہ ہیں انکی لاشیں کیمیکل سے مسخ شدہ ایک ایک تابوت میں چار چار اس طرح ڈالی گئیں کہ ٹکڑے تھے
پھر کسی کو دکھائے بغیر وہاں سے صاف کر دی گئی اور دفنا بھی دیا سیکیورٹی میں

 

فاسفورس بم سب کچھ جلا دیتا ہے۔
اور لال مسجد بمقابلہ فوج کوئی تناسب نہیں
عقل مندوں نے صحیح راہ نہیں اختیار کی۔
اللہ معصوم جانوں کو جنت نصیب فرمائے

 

آمین اور ظالموں کواللہ کبھی معاف نہیں کرتا

 

لال مسجد کا واقعہ وقت کی گرد میں چھپ گیا ہے۔

 

جن کے گھر اُجڑے ہیں وہ کبھی چین کی نیند نہیں سو سکتے

 

بے شک۔
ہم ان کے لئے دعا تو کرسکتے ہیں۔