نہار منہ یہ کھانا توند سے تیزی سے نجات دلائے

جسمانی وزن میں کمی آسان کام نہیں مگر کیا آپ کو معلوم ہے کہ چند چھوٹی عادتوں سے بھی آپ موٹاپے سے جلدی نجات پاسکتے ہیں؟
درحقیقت ایسی غذائی عادات موجود ہیں جو کہ جسمانی چربی کو جلد گھلانے میں مدد دیتا ہے جیسے نہار منہ گرم پانی کو پینا وغیرہ۔
اگر آپ اپنے بڑھتے وزن سے نجات پانا چاہتے ہیں تو ایک ایسا گھریلو ٹوٹکا آپ کو مدد دے سکتا ہے جس سے بیشتر افراد واقف نہیں۔
مزید پڑھیں : نہار منہ اس عام چیز کا استعمال تباہ کن
تحریر جاری ہے‎
اور وہ ہے نہار منہ شہد اور لہسن کے آمیزے کو پینا۔
ہوسکتا ہے کہ ان دونوں کا امتزاج سننے میں اچھا نہ لگے مگر بہت فائدہ مند ضرور ہے جو کہ جسمانی وزن میں کمی کے ساتھ ساتھ صحت کو بھی بہتر کرتا ہے۔
اس مقصد کے لیے آپ لہسن کے چند ٹکڑے لیں اور انہیں چھیل لیں، جس کے بعد ایک گلاس جار کو شہد سے بھردیں اور پھر اس میں لہسن کے ٹکڑوں کو ڈال دیں۔
یہ بھی پڑھیں : نہار منہ کھانے اور نہ کھانے والی غذائیں
اس کے بعد جار کو ڈھکن سے بند کردیں اور کچھ وقت کے لیے چھوڑ دیں۔
اس کے بعد ہر صبح ناشتے سے پہلے ایک لہسن کے ٹکڑے کو شہد سے نکال کر چمچ یا چھری سے کچل لیں اور خالی پیٹ کھالیں، جس سے توند اور موٹاپے سے بہت تیزی سے نجات ملے گی۔
یہ ٹوٹکا جلد کے لیے فائدہ مند ہے کیونکہ لہسن قدرتی طور پر خون کو صاف کرتا ہے جبکہ جراثیم کش خصوصیات سے بھی لیس ہوتا ہے۔
نوٹ: یہ مضمون عام معلومات کے لیے ہے۔ قارئین اس حوالے سے اپنے معالج سے بھی ضرور مشورہ لیں۔
https://www.dawnnews.tv/news/1086088/

 

میں شروع کروں ؟

 

ضرورت کریں پوری امید ہے فاہدہ ہو گا ان شاء اللہ