صرف 800 روپے میں اپنا اے سی خود بنائیے

پاکستان سمیت دیگر ترقی پذیر ممالک میں لوڈشیڈنگ، مالی مسائل اور شدید گرمی کا حل پیش کرتے ہوئے ایک ماہر نے غریبوں کا اے سی بنایا ہے جس پر 1000 روپے سے بھی کم لاگت آتی ہے۔







ایک امریکی انجینیئر نے گھریلو اشیا سے اے سی بنانے کا عملی مظاہرہ کیا ہے جسے صرف 8 ڈالر یا پاکستانی800 روپے میں تیار کیا جاسکتا ہے۔ اسٹائروفوم، ہیئر ڈرایئر کے 2 پائپوں، ایک چھوٹے پنکھے اور برف سے بھری پانی کی بوتلوں پر مشتمل اس چھوٹے ای سی کو صرف 10 سے 15 منٹ میں تیار کیا جاسکتا ہے جو پاکستان کے گرم ماحول اور لوڈشیڈنگکے لئے کسی نعمت سے کم نہیں۔





اس سادہ ایجاد کے خالق کے مطابق آپ اسٹائرو فوم یعنی تھرمو پول کا ایک ڈبہ لیجئے اور اس کے ڈھکنے پر مناسب فاصلے سے ہئر ڈرائیر کے دونوں پائپوں کے سروں کو رکھ کر مارکر سے نشان لگا لیجیئے۔







آپ کمزور پنکھا استعمال کررہے ہیں تو ایک پائپ استعمال کرنا بہتر رہے گا۔







اب دو پائپوں اور پنکھے کی آؤٹ لائن کاٹ لیجیئے اور احتیاط سے سوراخ بنائیے جس کے لیے دانتوں والی چھری سے بھیمدد لی جاسکتی ہے۔ کوشش کیجئے کہ پنکھے کی براہ راست ہوا ڈبے کے اندر پہنچےاور اس کے لیے ایک بڑا کمپیوٹر فین مناسب رہے گا۔

اگلے مرحلے پر گوند سے پنکھوں اور پائپوں کے کنارے اچھی طرح بند کردیجئے تاکہ اس سے ہوا لیک نہ ہو۔





اس کے بعد برف جمی ہوئی پانی کی بوتلیں کچھ اس طرح ڈبے کے اندر جمائیے کہ ان میں سے ہوا گزرتی رہے۔ آپ پنکھا چلائیں تو ہوا پہلے بند ڈبے میں جائے گی اور ٹھنڈی ہوکر پائپوں سے باہر آئے گی۔ پنکھے کو اتنی ہی بجلی فراہم کیجئے جتنی اسے درکار ہے عموماً کمپیوٹر ویٹنی لیشن پنکھے 12 وولٹ پر کام کرتے ہیں جنہیں سیل، چھوٹی بیٹری اور اڈاپٹر پر چلایا جاسکتا ہے۔







لیجئے اے سی تیار ہے۔ اسے بنانے والے صاحب کا دعویٰ ہے کہ اسے محدود رقبے یا ایک فرد کے لیے استعمال کیاجاسکتا ہے اور یہ تھوڑی دیر میں اپنی اطراف کا درجہ حرارت کم کرکے 10 سے 12 درجے سینٹی گریڈ تک لے آتا ہے۔ موجد نے اس کی ویڈیو یوٹیوب پر رکھی ہے جس میں اے سی بنانے کے تمام مراحل دیکھ کر کوئی بھی شخص آسانی سےاپنا اے سی خود بناسکتا ہے۔

 

شکریہ جناب

 

زبردست اشتراک۔۔
آپ نے اپنا اے سی تیار کر لیا؟

 

ابھی کیا تو نہیں مگر کوشش ضرور کرونگا
تجربہ ضروری ہے

 

اوکے ضرور کریں۔
کامیاب رہا تو ضرور بتائیے گا

 

آپ کا حکم سر آنکھوں پر دُعا جی

 

ڈرائر کے پائپ مل جائیں تاکہ دیکھا جائے خاص ڈر ایئر کیوں لکھا ہے اس میں
پھر تجربہ کرتے ہیں

 

بجلی کے بغیر بھی کوئی اے سی بنا دیں تو پاکستان میں کافی مقبول ہوسکتا ہے

 

صرف سنا ہی نہیں بلکہ واقعی آگیا ہے۔ لیکن وہ بھی بجلی تو صرف کرے گا ہی۔ ہاں البتہ یہ ضرور ہے کہ پہلے جن صاحب کا بل 20سے 25 ہزار روپے فی مہینہ آتا تھا۔ 12 وولٹ کا اے۔سی استعمال کرنے کے بعد صرف 4500 سے 5000 کے درمیان آیا۔

 

اس کا ویڈیو لنک دینا چاھئے تھا۔