سانوں عشق دا روگ اے لگیا اے

اسلام علیکم دوستو ، ویسے سے تہاڈی محفل وچ میں نواں نواں آں ، پر لگدا اے کہ اتھے مزہ زیادہ “آعو“ گا ۔ ۔ میں پنجابی اچ زرا کم ای لکھیا اے ، پر ایک پرانا گیت پیشِ خدمت اے ، جنہوں ریکارڈ کرن دی نوبت ای نئیں‌آئ

---------------------
سانوں عشق دا روگ اے لگیا اے ، اساں پیار کرن تو چَکنا نئیں
اک تیرے تے دل آیا اے ، اساں ہور کسے وَل تکنا نئیں

اکھاں تیریاں تیر چلاندیاں نے ، اسی دل تے اپنے سہنے آں
توں اپنے دل وچ ویکھ ذرا ، اسی دل وچ تیرے رہندے آں
توں ہیر وی ساڈی ، لیلٰی وی ، کوئی ہور تیرے جیا لبھنا نئیں
اک تیرے تے دل آیا اے ، آساں ہور کسے وَل تکنا نئیں

چال تیری مستانی اے ، تیری چڑھدی شوخ جوانی اے
توں سجدی نال اساں دے ای، تیری میری ہک کہانی اے
اسی رانجھے آں اسی مجنوں آں ، دنیا توں ہن ڈرنا نئیں
اک تیرے تے دل آیا اے اساں ہور کسے ول تکنا نئیں

سانوں عشق دا روگ اے لگیا اے اساں پیار کرن تو چکنا نئیں
اک تیرے تے دل آیا اے اساں ہور کسے ول تکنا نئیں

 

اظہر بھائی ! ماشاءاللہ چنگا کلام اے۔

اگر آڈیو ایتھے اپ لوڈ کر سکدے ہو تے اوہ وی کر دیو۔ مزہ آئے گا

 

واہ اظہر الحق پائی !!

واہ جی واہ ۔۔۔ واہ جی واہ۔۔۔ واہ جی واہ